Skënder Limani:Qeveria e PDK-së është kundër popullit

Shko poshtë

Skënder Limani:Qeveria e PDK-së është kundër popullit

Mesazh nga Agim Gashi prej Mon Nov 12, 2012 12:56 pm

Qeveria e PDK-së është kundër popullit

Skënder Limani

Në historinë e njerëzimit botëror, nuk njihet ndonjë Qeveri e cila, me kalimin e kohës, është kthyer kundër popullit të vet, kundër shtetit të vet, kundër vendit të vet. Jo sikurse Qeveria e Kosovës, Qeveria e pushtetit të Partisë Demokratike të Kosovës, PDK. Në këtë situatë, vetëm mungon që edhe populli të kthehet kundër kësaj Qeverie, të fillojë të veprojë aktivisht fizikisht kundër kësaj Qeverie, në mënyrë që, pse jo, të arrihet baraspesha.
Ky popull, populli i Kosovës, tash për tash, e ka të vështirë të veprojë fizikisht kundër Qeverisë së PDK-së në pushtet në Kosovë. Sepse ka vuajtur shumë dhe shumë kohë, në mënyrë të vazhdueshme, përgjatë rrugëtimit të jetës së vet. Ishte kthyer kundër Qeverisë turke, serbe (disa herë radhazi), kundër Qeverisë italiane, gjermane, e kundër kujt jo. Derisa, erdhi viti 1999, saktësisht, 12 qershori i vitit 1999. Ky vit, ose kjo datë, shënoi mundësinë që në këtë territor, në këtë Kosovë, të fillojë një lindje e re e shoqërisë, e shtetit të ri pa sundim të jashtëm. Megjithëkëtë, kjo nuk ndodhi asnjëherë.
Ajo çfarë edhe sot e kësaj dite njihet si kultura e shoqërisë së Kosovës, nuk arriti të ndryshojë asnjëherë. Kultura e Kosovës, e njohur ose e shquar kryesisht përmes botimit të librave, pra romaneve, novelave, poezive e të tilla, nuk shkoi më tej për t’u kristalizuar, për t’u praktikuar, për t’u përkthyer edhe në rrugë, kanalizime, shkolla, ndërtesa banimi kolektive e të njësuara, në arsim, në sport, në veshmbathje, në media të lira e të pavarura dhe të tjera. Kultura e shoqërisë së Kosovës mbeti aty ku ishte më parë - e stagnuar nga kriminalizimi i PDK-së, SHIK-ut, në pushtet.
Ndërkohë, ajo që shquhej si kulturë e shoqërisë së Kosovës, e cila ishte kthyer në traditë, vazhdoi. Martesat me qitje armësh, kujdesi vetëm për vetveten dhe të afërmit e familjes së ngushtë, mikpritja për shkak të interesit familjar e personal, edhe sot e në këtë vit, 2012, mbetëm aty ku ishim. Këso lloj aktivitetesh, të shquara si kulturë dhe të cilat ishin kthyer në traditë, aspak nuk e paraqesin kulturën e njerëzimit dhe të vet shoqërisë së Kosovës. Sikurse atëherë, edhe sot, urrejtja masive për njëri-tjetrin vazhdon.
Dhe kështu kaluan dhe u bënë shumë vjet. Sot, në vitin 2012, asgjë nuk ka ndryshuar. Kemi një pushtues në Kosovë që flet shqip, por sillet dhe vepron më zi sesa secili pushtues tjetër i njohur serb, malazias, turk e tjetër sllav. Dallimi ekziston vetëm në gjuhë, ndërsa në sjellje e në veprime, pushteti i PDK-së në Kosovë është edhe më i egër.
Pushteti i PDK-së kujton që e pronëson Kosovën, se i takon asaj dhe vetëm asaj. Nga kjo, shoqëria e Kosovës është në huti të përgjithshme dhe totale. Ende nuk ka vendosur si ta trajtojë pushtetin e Hashim Thaçit: sikurse të turkut, të bullgarit, të malaziasit, të Sllobodan Millosheviqit, ose si të kujt?
Në një masë të caktuar të efektit dhe ndikimit psikologjik, për shkak të trysnisë, presionit dhe të propagandës mediale të pushtetit, sidomos nga Radio dhe Televizioni i Kosovës (RTK), shoqëria e Kosovës kujton që kjo, çfarë po ndodhë me pushtetin e PDK-së, nuk është duke ndodhur ose që po ndodhë diku në ndonjë vend tjetër ose në ndonjë botë tjetër. Për shkak që, po e përsërisë, ende po refuzon të fillojë që me veprime konkrete fizike, ta trajtojë këtë pushtet, pushtetin e PDK-së, si pushtet anti-shtetëror dhe anti- shoqërisë së Kosovës. Si pushtet i cili, përmes krimit të organizuar institucional qeveritar, po e gërryen Kosovën dhe shoqërinë e saj financiarisht, po e thyen moralisht dhe po e dërmon fizikisht. Varfëria, papunësia, mungesa e zhvillimit të kulturës njerëzore dhe civilizuese, mungesa e vendosjes së pushtetit dhe rendit demokratik, janë rezultat i Qeverisë së PDK-së në pushtet, SHIK-ut në Kosovë.
Hasim Thaçi është prijës i kësaj Qeverie, pas tij vijnë Xhavit Haliti, Kadri Veseli dhe përplot të tjerë.
avatar
Agim Gashi
Administrator
Administrator

Numri i postimeve : 45956
Age : 64
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Mbrapsht në krye

- Similar topics

 
Drejtat e ktij Forumit:
Ju nuk mund ti përgjigjeni temave të këtij forumi