Gazmend Muhaxheri: Unë, kryetar i komunës së Pejës deri në vitin 2054

nga **Agim Gashi** Tue Jun 30, 2015 9:36 pm

Gazmend Muhaxheri: Unë, kryetar i komunës së Pejës deri në vitin 2054

Kuvendi Komunal i Pejës sot me shumicë votash ka aprovuar kornizën afat-mesme buxhetore 2016-2018. Për këtë pikë të rendit të ditës është zhvilluar debat mes pozitës dhe opozitës me shumë së një orë e gjysmë.
Me 19 vota në favor, 9 kundër dhe tri abstenime, dokumenti u miratua, pavarësisht kritikave.
Asamblisti, Blerim Nikçi, që foli në emër të grupit parlamentar të AAK-së, tha se kjo kornizë buxhetore nuk i plotëson nevojat e qytetarëve të Komunës së Pejës dhe për këtë arsye nuk do ta ketë aprovimin e subjektit të tij.
“As për së afërmi nuk i plotëson kërkesat dhe pritshmëritë e qytetarëve të Komunës së Pejës. Nuk është në funksion të zhvillimit të turizmit dhe zhvillimi të përgjithshëm ekonomik, nuk është shtytës për punësim dhe as për së afërmi nuk i plotëson pritshmëritë tona dhe qytetarëve të Komunës së Pejës”, tha Nikçi.
Shefi i grupit parlamentar të PDK-së, Muhamet Haliti, tha së duke e pasur si objektiv zhvillimin e ekonomik është dashur që Drejtoria e Zhvillimit Ekonomik dhe ajo e Shërbimeve Publike të kenë buxhet me të madh. Ai tha se shpreson që në propozimet e seancave tjera t’u rritet buxheti dy drejtorive për shkak së janë shumë të rëndësishme.
“Është dashtë që duke e pasur si objektiv zhvillimi ekonomik, që Drejtoriati për zhvillimi ekonomik të ketë një buxhet me të lartë edhe shërbimet publike”, theksoi Haliti.
Vërejtje për kornizën buxhetore afat mesme dhanë edhe përfaqësuesit e subjekteve tjera opozitare.
Drejtori i Financave në Komunën e Pejës, Jeton Abazaj, duke u përgjigjur në kritikat e shprehura, tha se kjo kornizë afat mesme buxhetore e prezantuar në Kuvendin Komunal nuk është finale.
“Mos të harrojmë që ky nuk është buxhet përfundimtar. Po e them këtë me arsyen së akoma nuk dihet a do të përfshihen sigurimi shëndetësor në planifikim te buxhetit te pagat apo jo”, tha Abazaj.
Nazmi Krasniqi nga AAK-ja, kritikojë kreun komunal, Gazmend Muhaxherin, së me këtë buxhet nuk do të mund t’i përmbush premtimet e tij gjatë mandatit.
Mirëpo, Kryetari i Pejës u përgjigj në mënyrë ironike se do t’i përmbushë të gjitha premtimet e dhëna sepse mandati i tij do zgjasë “deri në vitin 2054”.
“Nazmi, kam me i realizu deri në fund të mandatit, po mandatin e kam të gjatë, deri 2054. Ndoshta kjo punë shkon, por duhet me i realizu“, u shpreh Muhaxheri në mënyrën e tij.

Mon	Tue	Wed	Thu	Fri	Sat	Sun
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30