Goditet banda e shqiptarëve në Itali

nga **Agim Gashi** Wed Oct 27, 2010 1:12 am

Operacioni i cili ka përfunduar me sukses nga policia italiane ku në pranga kanë përfunduar disa shqiptarë është quajtur “Shoku”. Policia e Barit ka finalizuar sot aksionin duke vënë në pranga 6 persona, nën akuzën e trafikimit ndërkombëtar të lëndëve narkotike, ndërsa janë shpallur në kërkim edhe gjashtë persona të tjerë. Ndërkohë janë sekuestruar 44 kilogramë marijuanë, 5 kokaine dhe 500 gramë heroinë. Në pranga është vënë 30 vjeçari Olsi Meta, i cili ishte pjesë e trafikut ndërkombëtar të drogës. Media italiane e ka cilësuar këtë një ndër bandat më të rrezikshme të drogës që operonte në Napoli dhe kishte si baza provincat e Barit dhe Trani, dhe droga vinte nga Spanja, Holanda dhe Shqipëria. Sipas hetimeve, rezulton se banda shfrytëzonte portin e Barit dhe Brindizit për të trafikuar sasi të konsiderueshme lëndësh narkotike. Ky grup gjithashtu ka pasur lidhje me mafian napolitane. Të arrestuarit shqiptarë janë Dritan Aga 33 vjeç me banim në Trani, Arian Aga, 31 vjeç i cili ka qenë i dënuar edhe më parë në burgun e Lanciano, Loni Paluka 28 vjeç banues në Altamura, Klodia Cobo 25 vjeç. Ndërkaq që i arrestuari, Olsi Meta rezulton sipas hetimeve se për disa vite ka shpërndarë kokainë në sheshet kryesore italiane, përfshirë edhe ato pulieze. Meta ka qenë një person i kërkuar nga policia së bashku me Arben dhe Loni Paluka si dhe Artan Karaj, i cili është arrestuar një herë në dhjetor të vitit 2007 por më pas është lënë i lirë. Media italiane bën me dije se shefi i këtij grupi ka qenë Paluka, i cili kishte kontakte të vazhdueshme me Fran Coku që nga Shqipëria garantonte lëndën narkotike që importohej më pas në portin e Barit dhe Brindisit. Më pas këta të dy kishin kontakte me italianët Gaetano Marino, i cili njihej me emrin ‘Gaetano Mckey’, një ndër më të rrezikshmit e mafias. Po ashtu policia italiane ka sekuestruar edhe 43 kg marijuanë që vinte nga Shqipëria si dhe një shumë eurosh, dollarësh, sterlinash, etj që Prend Paluka i transportonte nga Bari në Shqipëri për të paguar ngarkesat e drogës.

Gazeta jonë

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31