Publikohen emrat e 6 zyrtarëve të arrestuar të komunës së Prishtinës

nga **Agim Gashi** Tue May 03, 2011 9:44 pm

Publikohen emrat e 6 zyrtarëve të arrestuar të komunës së Prishtinës

(I plotësuar) - Personat e arrestuar janë: Ridvan Shahin, drejtor i Infrastrukturës në Komunën e Prishtinës, Ekrem Rexha, shef i Prokurimit në Komunën e Prishtinës, Qazim Bajrami, kryetar i Organit Mbikëqyrës në Komunën e Prishtinës, Refik Sadiku, Hazir Krasniqi, dhe Halil Fejziu, të gjithë anëtarë të Organit Mbikëqyrës në Komunën e Prishtinës.

* * * * * * *

Drejtoria e Hetimeve të Krimeve Ekonomike dhe Korrupsionit, njësia e NJHKEK -Prishtinë, nën dyshimin e bazuar se kanë kryer veprën penale "Shpërdorim të pozitës zyrtare ose i autorizimit" kanë arrestuar të martën gjashtë zyrtar të Komunës së Prishtinës.

Sipas një njoftimit të Policisë së Kosovës, thuhet se arrestimi i tyre është bërë me dyshimin për keqpërdorime në Komunën e Prishtinës, lidhur me një tender i cili ka pasur të bëjë me mbulimin e lumit Prishtevka.

“Gjatë zhvillimit të hetimeve dhe mbledhjes se fakteve lidhur me kryerjen e Veprës Penale të cekur më lartë, dyshohet se vlera e keqpërdorur arrin shumën prej qindra mijëra euro”, thuhet në njoftimin e policisë.

Emrat e personave të arrestuar nuk janë bërë të ditur, megjithatë, policia ka lëshuar vetëm inicialet e këtyre gjashtë personave të dyshuar, të cilët janë: R. Sh. (1943), E. T. (1960), Q. B. (1966), R. S. (1960), H. K. (1965) dhe H. F. i lindur në vitin 1964.

Me urdhër të Prokurorit Publik të qarkut të dyshuarve ju caktohet masa e ndalimit deri në dyzet e tetë orë.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31