Ekspozitë e Rizah Sheqirit me fotografi artistike

Ekspozitë e Rizah Sheqirit me fotografi artistike





Në shtëpinë e aktiviteteve të gjithmbarshme “Allaktivitetshus” në Emmaboda të Suedisë, që nga 1 marsi 2009 po qëndron e hapur ekspozita ”Kur fjala s’më del bëj një fotografi!” me fotografi artistike të shkrimtarit dhe poetit Rizah Sheqiri.
Rizah Sheqiri përveç fotografive të përcjella me tekste poetike në gjuhën shqipe dhe në atë suedeze, në një stendë të veçantë ka ekspozuar edhe librat e tij në gjuhën suedeze dhe në gjuhën shqipe. Kjo ekspozitë është vizituar nga shumë vizitorë dhe ka zgjuar interesim të gjërë tek publiku.
Ekspozita është e aranzhuar nga NBV Sydost - (NBV e Rajonit Juglindor të Suedisë) e njohur për mbeshtetje dhe për organizimin e aktiviteteve të ndryshme kulturore, arsimore,etj.
Kjo ekspozitë personale e Rizah Sheqirit e dyta brenda këtij viti do të do të qëndrojë e hapur deri në fillim të prillit.