Në Akademinë Përkujtomore për heroin e kombit, Sali Çekaj, merr pjesë edhe kryetari i LDK-së, dr. Isa Mustafa

nga **Agim Gashi** Wed May 18, 2011 8:02 pm

Dega e LDK për Gjermani është në vlugun e përgatitjeve për ta shënuar në mënyrë të dinjitetshme, përvjetorin e rënies për lirinë e Kosovës, të heroit, Sali Çekaj, i cili ishte dhe njëri ndër luftëtarët e shquar të vizionit për liri, demokraci e pavarësi dhe, nënkryetar i LDK-së për Gjermani.
Kërkesës sonë për pjesmarrje në këtë Akademi, pos një numri të madh veprimtarësh të mërgatës shqiptare në Perëndim, ju kanë përgjegjur pozitivisht dhe krerët më të lartë të LDK-së.
Njoftojmë anëtarësinë tonë, veprimtarët e hershëm dhe të tashëm të mërgatës se, prezentë në këtë Akademi , do jetë kryetari i LDK-së, dr. Isa Mustafa,aktualisht dhe kryetar i kryeqendrës së Republikës së Kosovës, Prishtinës.
Bashkë me zotin Mustafa, i cili vjen për herë të parë në këtë cilësi, do jenë dhe sekretari i Përgjithshëm i LDK-së, Ismet Beqiri si dhe njëri ndër luftëtarët e gjallë për lirinë e Kosovës, deputeti i Kuvendit të Republikës së Kosovës, Anton Quni.
Prezenca më e lartë deri tash e lideshipit të LDK-së në Gjermani, është dëshmia më e mirë e angazhimit të kësaj dege, në vazhdimësi si dhe një nderim i këtij angazhimi. Po, mbi të gjitha, nderim i figurës së Sali Çekajt dhe gjithë dëshmorëve që u flijuan për vizionin rugovian, lirinë, pavarësinë dhe demokracinë e Kosovës.

Komisioni për informim i Degës së LDK-së së Gjermanisë

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31