Ju prezantojmë:CIKËL POETIK NGA KLARITA SELMANI

nga **Agim Gashi** Sun May 22, 2011 9:04 pm

Ju prezantojmë:CIKËL POETIK NGA KLARITA SELMANI

SAKRILEGJ

Ishte e bardhe rruga , kali dhe nusja .
Si maja e malit ne Prill , kur dielli me refleksin inat ze.
Mijera trendafila lulezonin atje ku endrra e Doruntines shkelte .
I ylberte kalimi ne hapesire .
Krushq e nuse , te mahnitur tek fshinte shputat e pafajesise ,
dorezuan virgjerine .
Konstandin ...mermeriti shpirti
Mos harro ... !
Njerka , buzagas kalin i ngarkoi .
Ish toke e shenjte ajo qe niste ... i tha . ..Koken te mos e kthente e porositi .
Ikim , rruga eshte e gjate ....
Te parat hoqi kepucet , kish shkeljen e mallit ne to , i futi ne gji e kokekeputur
ndoqi karvanin e ikjes .
I dyti ish nuserimi , mberthyer pas trupit perpiqej te ruante bukurine . Bishti
i endrrave u zhgerrye dhembeve te palara , u gris gjuheve me thepa , humbi
bardhesine e majave e thirri balten ne vaki .
Fort mbi zemer , Kepucet shtrengonte Doruntina bije .
Te tretat uleriten gjunjet .
Ahhhhhh! ...Kishin radhen e rrezimit .
Petalet tashme , kohe vyshkur binin e binin bresher ne nje zderdhylje
te pajete aq sa as vete s'njihnin c'kishin qene .
Diku aty , kob i solli jehona e zemres !
Doruntine moter .... dergome kepucet ....
U ngjeth cupa plake , tmerri e beri te shqyeje gjoksin e perveluar e te ngjeshe
ne ulerimen e jetes kepucet e mallit .
Vaj , vaj ! - Lemeriti e ngrata zemer . Shpirti u var kokeposhte ne fijen e shpreses
se mekur .
Brinjet mblodhi me tel hallesh e capiti perseri varganit te humbur . Zemra qellonte
si e marre .
Fryme !...O Perendi, fryme !....
Kristale kujtimesh rrodhen nga cepi i drites e u baltosen huazimit pa prag .
Vrazhde u torr shpirti ne hejbene e te qenit .
Mallkuar qofsh Doruntine ! ...Amanet ,mos gezofsh kurre ...! Jehona e kroit rrezoi
orteket e gjemes mbi hijen e harruar monopatesh drizelindura .
Meme ! - Psheretiu dritherima , brinjet shtyne kepucet me thelle .
Zemra renkoi e mpakur e beri vend ne shpine , poshte kalit , e djepit . Mblodhi, pike - pike
mallkimin . E ngarkoi mbi vete e vazhdoi te zvarritej drejt asgjese .
Tashme syte ishin qorruar . Perpara shkretetire e pas humnere . Capitja rrokullisej e uritur.
Jam Doruntina , Meme... ! Mermeriti perroi i plages e rrudhat ndoqen humbjen .
-Jam jot moter Konstandin ...! Jam jot moter ...!
Pllaka e deshperimit kish thithur driten . Somnambul , ngarkuar me jete e helm ,
kembadorazi bredh rrugeve pa rruge Doruntina bije .
- Mam , tregome nje perralle ...
Zgalem krahethyer e synxjerre Doruntina meme , fshin zgavrat boshe nen qerpiket
e dendur ushqyer stuhise . Nxjerr perleza nga deti i shpirtit te ushqeje thirrjen e gjakut .
Na ishte njehere nje moter ..Na kishte ...

POEZIA E UNIT

Une qe thua ti jam vete vargu ,
ngado qe te me kthesh kulloj muze .
Ke shami me vete?
Dhe vete vargjet mendohen ,
kur kane ment
sepse une jam vete mendimi .
Mua me gjen ne te gjitha trajtat
katror ,trekendesh , top
rime , trajte e pashquar .
Eshte ne mode .
Une jam , ti je , ai...
dale se u ngatarrova!
Une jam ,Une je ,Une eshte .
Qielli ndricon me rreze te arta se jam Une ...
UNE ....U ...More si e kam emrin !?!?!??

MBREMJA

U ul nje tufe me rreze ne dritaren time .
Reflekset e gazmore
percuan perden e perkedhelen Orkidene qe koke ulur ,
i kendon gonxhes se trete .
Afrohem , e perkedhel me fryme
brishtesine e klorofilte .
Nje arome qe vetem une e ndjej ,
me perkedhel mendimin .
Cicerima e rrezes ne ikje
me zgjoi vemendjen e tulatur .
Po vjen Nata .
Shpejtoj te mbyll ne panik perdet e renda ,
per te ruajtur dritezen
nga erresira zvarranike .
E burgos me nje klik ne nje llampe
te fshehur ne llampadarin antik ,
qe varet i mrekulluar , mbi Orkide .
Gjithshka e drites ,
gjithshka e embelsise ,
gjithshka e egzistences ,
gjithshka e dashurise ,
eshte mbledhur
ne elegancen e mrekullueshme ,
qe me dha kenaqesine te lulezoje perseri
ne sallonin tim .
I jap dhe nje perkedhelje te fundit me sy ,
dhe e le te flertoje me dritezen ...
Une iki drejt drites time ..

MOS

Mos ma lodhni mendimin
ju lutem
pentagrami qarazi ,
pikon,
eshte plot ,
ena e zbrazur
imagjinata
memece renkon .
Lereni ,
daljen te gjej
diku u gris
neper terr .
Nuk di,
a s'mundet ta ndjej
harroi valle ,
endrra te tjerr ?
Mes klithmash ,
veniten perlat
ujdi me heshtjen ben
shikimi.
Stuhish pajetuar ,
grisen velat
Ketu nis ,
a mbaron udhetimi ?

ZOT I VETES

Je zot sot i asaj qe je aty ne dhe .
Mos u mundo me gaz jeto.
Kohen mos humb , ka dhe fund.
Kerce , kendo , se veten do.
Buzeqeshje jep ,ne cdo cep.
Mos qaj po qesh , mos shaj eshte ves.
Fal gaz mer miresi , fal ndjenje , mer perjetesi.
Pasqyre mos pyet, je ti qe je ,
rrudhat mbi balle medalje do kesh , o ke.
Mos qaj per to , gezo.
Fal jete , te rrosh perjete.

PESHA

Atje ,
ku kemba jote shkel
dhe syri ndjek itenerarin
e Unit ,
gjithmone ne hije te veshtrimit
qendron dikush ose disa .
Dikush
qe Uni i tij
ka rene pertoke e eshte bere therrime ,
dikush
qe buzeqeshjen
ja shiten per letra pa vlere ,
dikush
qe diellin i mbuluan me hijet e nates
dikush ...
dikush ..
dikush...
Mos nxito !
Nje cast te vetem
vetem nje cast .
Mbaj hapat dhe fali nje buzeqeshje .
Fali
nje molekule nga dielli yt .
Le te jesh dhe ti
ne hije .
Fali nje pike jete
nga pagurja qe ruan si syte e ballit .
Si dihet ,
mund te jete zana e Drites
e fshehur nen pamjen
e nje rreckamani .
Ndoshta
nuk do ta shohesh kur te rinisesh ,
por do ndjesh peshen
e pagures ...

PRITME!

Nate !
Perse kaq e ndritur
je sot ?
Kaq qiell te bukur
hodhe mbi bote ?
Yjet ,
vallezojne
per dashurine ?
Po Hena ?
Ah Hena !
Sot ,
ka pushtuar ,gjithesine !
Te vi dhe une hene ?
Botes rrotull ,
per ti rene ?
Pergjigjmu lozonjare !
Apo nuk me degjon ,
fare ?
Te vi ?
Nje minute ,
te pershendes !
Pastaj ,
diellin me ty
do ta pres !

RECETE

Merni
nje varg nga endrrat ,
dy grimca
nga nektari i jetes ,
tre te katertat
kaltersi nga qielli .
Cepin e buzeqeshjes
se nje foshnje ,
bishtin e syrit
te embelsise .
Driten
e ballit te lumturise ,
nurin
e fjales se mire ,
pluhur respekti
pa mase ...
Hidhini ne enen
e shpirtit .
Perzierja ,
nga krahu i te ardhmes .
Lyeni ballin
e mendimit .
Nqs
neser
keni prape "shqetesime " ,
Dicka
nuk bete mire
Hajdeni prape ..

QELIZA E JETES

Buzeqeshja jote eshte baraz
me driten e nje ylli te sapokrijuar ne univers .

Fal pa kerkuar persene .
Eshte e vetmja menyre te falesh pa keste shpirterore .

Degjo gjithmone ritmin e mendimit
dhe jo kordat e gjuhes .

Vere qenien tende ne sherbim te drites .
Vetem keshtu do dish moshen tende reale shpirterore .

Buzeqesi qenies tende per ate qe eshte
e jo per ate qe kerkojne te jete .

Faji i tjetrit , nuk eshte yti
per aq kohe sa nuk kerkon te perfitosh prej tij .

Lutu qe te drejten te mos ta abandonosh kurre ,
sepse vetem keshtu do jesh i pathyeshem .

Askush nuk mundet te te fyej
me shume se ti veteveten .

Lejoi tjetrit te jete i barabarte me ty ,
qe te jesh dhe ti i barabarte me te .

Gjithmone do egzistoje dikush
qe ngre per ty endrra me fuqine e univereseve .

Jeto sepse je vete jeta ,
jo sepse erdhe ne jete .

Mendo bimen qe ushqehet me driten e sapo krijuar
aq sa duket ne siperfaqe dhe dyfish ne rrenjezim .

Perhere egziston nje cast per te cilin
do kete gjithmone vlere te njejte me jeten .

Fryma vjen nga jeta , legjenda fillon me jeten .
Jeta fillon me qelizen .

Nje foshnje , vjen me bartjen e saj .
Bartja e nje jete ,hedh poshte cdo lloj teorie te kundert .

Qeliza e jetes eshte filozofia e JETES .

BIR

Pashe nje enderr mbreme bir
ishe ne nje mal
tek lozje me qiellin bir
kucedra u ngjall .

E atje ku lozje bir
nga syte te humba
desha te therrisja bir .
E zeza! Nuk munda ..

Nje sumbull rreshkiti bir
lumi tutje rrodhi
zbathur mora rrugen bir
pas me mekej gjoli .

Zemra humbi gjakun bir
gerxheve te thata
ulerinte shpirti bir
kishte rene nata .

Ndeza peshperimen bir
ligjeronte Hena
dergome nje fjale bir
me humbe atehena *

Rete me mbuluan bir
Nuk sheh rrugen nena
zgjome nga enderra bir
se me plasi zemra

* larg

E DIELE SOT

E Djele sot
dhe qielli frymemer kalterishem .
Qyteti im fillon te cel dritaret
Zgalemi lajmetar si kurre nder kohera
leshon mbi sofer buzeqeshjen e te nesermes .
E Djele sot .
Rruga rrjedh hareshem drejt hapesires
dy harabela cicerojne ne emer te Dashurise
dhe Ajo floket kreh ne pasqyrimin e Diellit .
E djele sot
thirrja hovin ma pushton pa kushte .
Do nisem hapesire , nje sekond !
Dy germa them te gatuaj akoma
mos me nxito .
Kripen te hedh sa duhet
dhe luget te shperndaj mbi livadhin e fletes ...

E SHTUNE SOT

E shtune sot
dhe qielli vazhdon te pikoje .
Deti tutje
mermerin madherishem himnin mbreteror .
Sipas rregullit te oborrit ,
me duhet ti perulem .
Po shkoj
te ve stemen e hapesires .

ÇASTET

Vine dhe ikin si fuga .
Vorbulla e diteve na terheq pambarimisht ne vrimen e kalimit te kohes .
Ku jemi ?
Pse nxitojme ?
Kush vuri kusht kryesor ankthin ne jete?
STOP !
Jeta eshte e shtrenjte .
Pertypni çdo çast mire .
Nje gje eshte e sigurt , nuk do e kemi me ...

MENGJESET

Mengjeset jane shperthimet e drites
ku syri i diellit
hap ngadale petalet e nates .
Jane frymemarja e dites
qe mbush mushkrite me vesen mengjezore
dhe hijet struken te trembura horizontit .
Jane buzeqeshja e jetes
qe rihap volumin , e lene menjane ,
diku aty nga renia e perandorise se meparshme .
Mengjesi eshte pershendetja pa te meparshem tundim .

KARNEVALI I ÇMENDISË

Nje zonje veshur djall, ne mes te sheshit qendron
te gjithe kalimtaret te qeshur e urojne..
Per jete e mote dite te tilla te rrojme!
Diku aty prane nje femije i vetmuar.
S'kish veshje per feste vec nje tollumbac ne duar
Me frike djallin e shikonte
ne ikje me vrap i gatshem qendronte.
Na u afrua edhe nje "zonje' mama
per dore pinjollin e saje ka .
I vogli tullumbacin e djalit te vetmuar donte
dhe memen terhoqi prane femijes ta afronte .
Mos e prek se eshte (Albanos) Shqipetar
oh ..ne fytyre c'pamje ka mare ..
I vogeli u terhoq
te kuptoj c'thote mami ..u perpoq.
Ah bir DJALLI .. shiko sa i bukur
thua ne boten e tije je futur!!
Dhe pinjolli i saje gezoi
me Djallin u mahnit..tullumbacen harroi .
Uroi zonja perseri
shetitien vazhdoi ..per ku?..se di
nga syri i djalit me tollumbac
nje lot buroi
mbi faqe rreshkiti dhe ne shpirt u perplas .
Harroi friken qe kish per djalle
e zonjes "djalle" i doli balle per balle.
E "djalli' 'grua u perkul
Nje buzeqeshje nene mbi syte e perlotur u ul
mos qaj bir i foli ..ne gjuhen e eterve
jemi nje gjak.. lerua friken grekerve.
Me butesine e nenes lotin i fshiu
e mori per dore ..lumturia djalin perpiu.
Dhe dolen xhiro"'djall' e femije
i vogeli te qeshi filloi.. me frikes s'do te ja dije
te gjithe uronin ..ah GEZUAR i bukur DJALLE!!!!
I vogeli ndihej si ne perralle.
E askush me nuk guxoi
buzeqeshjen e dlire t''ja perdhunoi
Engjelli i vogel fluturonte i lumtur
s'kagje se" DJALLIN" ne enderr kishte futur.
Kur u ndane "djalli " i tha ..Biri im ,
dua prej teje nje te madh premtim .
Djall bir.. kur te ndjesh e shikosh,
mos e lere te te qaset .. kete mos e harrosh .
Se erdhe engjell ne kurbet
e engjell MEMA prape te pret .
Drejte folese i vogeli fluturoi i lumturuar,
me Djallin Karnaval sot kishte kuvenduar.
Pastaj ..."Djalli" i ngriti syte me perdellim nga qielli
ZOT ruaje!... Mbaja veshtrimin nga dielli.
E kush e pa ..u habit !!
Djalli po lutej.. ne te cmenduren dite ..

MALI

Mali te vret po nuk dite te ecesh
mali te mer , po loze ne ere
te fal guret te ndertosh zhgjendrrat
te mer zerat ku varen endrrat .

Mali te flet Prometeian
zjarr , ne do , te thote te maresh
te ben te ndiesh qiellin prane
te hapezon mbi shpirtra te vraresh.

Mali te ndrydh me hijen e rende
ortekun leshon po ngrite syte
ta sjell jehone te dhimbshmen gjeme
ne syte , hedh ne mal te dyte .

Mali barkgjeri Sesam
hajdut bagetie dhe bari
per ty belbezon , ketu jam
Per ty , deklarata fryn ne veri .

Mali pa rrenje e eshtra toke
pa bindje , pa din e iman
fjaleshume pa ment koke
mali qe rob jeten te mban .

Mali qe shpresen te djeg ne shtrat
Buken ta shet per flori
ujin ta gatuan me balte
Besimin ta shet per bageti .

Mali qe mal kurre s'ka qene
E ty te shet mocal per qiell
mali qe kurre , vete , s'ka per te rene
e kurre per ty nuk njeh diell .

Mali qe dridhet hijes se vet
hijes kufome shtigjeve kalbur
barr qe mban ne kurriz perjete
i vdekur , i gjalle , i pakallur .

VAJTIMI I ERES

Mermerit ngadale
vorbull lotehapur
ngjitet neper shkalle

E degjon eren i dashur ?

Kuitja e deres flet
trokellin bravadhembe
renkojne menteshete

E degjon eren ... ?

Shtron krevatin e vajtimit
syte mbyll afshperveluar
shamia e pergjerimit .

E degjon ..... ?

Nis kujen e pikellimit
mbi shpirt carcafmeitin
Derdhet gjakprere hakerrimi

E ndjen i dashur ?

Vjen verdalle acar katili
Stalaktit zjarrmi e zemres
Derdhur sheshit , vetem hiri ...

URATË

Jo çdo shtepi ka oxhak
as turra me dru te prere.
Por shpirtin caze ne do e hap
zjarrmi do jape ajo perhere .

Zjarrmi qe dimrat hedh ne hije
e lulet s'pyesin per ngrice
Kush shkel pragun e kesaj shtepije
uraten gjen e hijet var jashte dere .

Jo çdo çast buzeqesh
as fjalen prere me meter ke
ne Shpirtit mbjell pa frike pranveren
bekim dhe urate sebashku , JE !

PERQAFIM

Sonte
heshtjen perqafoj
ne nje udhetim te pa mate .

Mbarsje bisedash pa embrion
lermeni rehat !
Nuk behem dot per ju mami' .
Ne te sotmen nate .

Horizontin
vendosa te kaleroj

Valen dua fre
nje legjende
sa fryma , te krijoj .

AMANETI

Kur te iki
mbaj ment çte them tani

Nuk dua qarje , lulra e kuti
Buze detit nje shkemb gjej
e mbillme siper nje ulli .

Vjen dita bije
Ne do te me kesh perseri
mbaj ment c'te them tani

Kur malli te te mar ,te vish
te ulesh nene hije perdhe
Me flladin do te te flas
bashke te rrime , si dje .

Rruges kur te ikesh prape
Mere nje dege per kujtim
Shpjere tendes bije
mallin tim bere pergjerim .

Vjen dita bije ,
Me duhet te iki
Amanetin , mbaje ment .

NGRICE

Varremihesit grivartesit
kaluan prane.
Ftohtesia u tkurr
sa dhe galldremi renkoi
U troshiten kockat
e mpakura
nga renia e murit triumfator
e gjalleruan kembanat
e desertimit
Tingellimat vetmitare
te monedhave pa monadhe
tallen gojeshqyera
me lekurat e rjepura .
Fjalimet besimngrenese
perbuzur realitetin
shpallin
renien apokaliptiane
nga qiejt delirante
Nje lulejete ,enderron diellin
E ardhmja
ulerin ne mungese .

HARRUAN

Maskat
qe me perfshine
harruan qe kam
fytyre e
kur desha rruge
te hapja
u shemtuan u bene zgjyrre
Siper meje derdhen
vrer,
me quajten edhe shemtire
sa u ndjeva,
betohem ,
vec njehere ne boten e tyre
perfshire
Por nga shgjendrra ime
ngrita nje
therrime
dhe e vura mbi qerpik
te me beje
Athinane
tmerrit tim
ti thote
IK .

VETEM TI

Vesa e syrit
thare
Tashme tepron .
Tentakulat
ka shtrire pikellimi .
Mberthyer shpirti
ne venduza ujore
Zot ,
vetem ti ngele !
ZOT !

UNE E THASHE !

Jam poet!
Specie e rralle !
Shikoni !
E kam te shkruar,
ne balle .
Ca ketu e ca atje ,
Mbarova nje epope !
Do thoni ju :Si e lexuar!
Kujdes !
Shume s'kam per te duruar!
Une ,
shkruaj qe ne veze !
Deshmimtar fjale e Hanese .
Cdo te shkruar
kam deshmi .
Vitin e vene , alibi .
Po e mbaja ne sirtar.
Dimer ish ,doja behar .
Keshtu
ca vitra kaptuan .
Se poeti Perlen ruan .
Ta shkelqej ne diell te qete.
Te mos digjem ,
une vete.
Pa dhe vaj plazhi
i ve .
Mbi ze e nene ze .
E pastaj e firmos .
Dora vete !
Poeti BOS...

RRJEDHA

E hodha poshte
dimrin polar.
Skadencen
perdora
marke pokeri .
Ndeza
shkendijen e diellit,
vara
hajmaline e besimit .
Brodha
buzeqeshjen e endrres ,
grisa
muzgun e shpirtit .
Ftova
ne vallezim Muzat .
Shtrova
tapet per dallget .
Hodha
ngjizjen rrekeve .
Germova
durueshem shtratin .
Neneshkrova
rrjedhen e fatit .

PERHUMBJE

Perballe kristalit ,
solfezhi ,
perkedhel
dihatjen mbi xham .
Pese gishta
mbi pastertine,
luhaten me delikatesen
ne vallezimin
e akordeve ...
Pese paralele
te hedhura shkujdesur,
firmosin
paktin e qiejve .
Rruga mermerit
soneten e hapave .

HEJ !

Hej ti !
Hapesire
Merem dhe mua
ne udhetimin tend .
Lerme
te behem nje me dallgen .
Dua
te ndjek stuhine pas.
Mbi shkembinj
te vdekur
dhimbjen time
te perplas .
Pa le te behem sterkale .
Prape
do terhiqem mbrapsht
e prape
do versulem ne balle.
Lerme me terbimin tend
te shoqerohem
ne dimrat qe kam hajmali .
Lerme
me ty te kaltersohem
kur rrezja
ndermjet resh te vi .
Bunace
u befsha nje mengjes
e brenda meje
zjarr.
Ne dreke
te ngrihem vorbull
e darka stuhi
te me mare .

RRUGET E QYTETIT TIM

Hapezoj
mendushem kete mengjes
rrugeve qe nxitojne
pa ditur ku .
Vegime te shperfytyruara
me parakalojne .
Humbjen e kohes me ngulm
trokellima takash mbi asfalt
kerkojne
Sy mozaike makiazhesh
mahnitshem
gjenden zhytur ne mungese .
Kostume te denuara perjetesisht
me varje ne kallep .
Hedhur si reklame rendin
papushim ,
buzeqeshjet e ngrira
pa pagese .
Shperfillja krahekapur me mua
pergojon .
Kjo vrime thithese
vetem nje mendim me sjell
"Ike plaku Mere ! Me gjithe tespije"

PERSE

Zot !
Perse ligjet
permbys fytyren kane .
Nje engjell
te zbrese ,do vize
e djajte te lire
neper bote jane ?
Perse njeriu i etur
goten mbushur e shikon ,
por lengu
nuk denjon te bjere
e dhimbja
etjen tradheton .
Zot !
Me thuaj
ne me degjon .
me thuaj ne Engjej
mundesh me
e dergon .
Me thuaj .
Je Ketu
apo i mpakur nga marrezia
persene edhe ti
kerkon .

JU THASHE

Ju thashe qe fola me qiellin ?
Qe henes nje rreze i vodha ?
Qe u shoqerova me diellin ,
e diten mbi nje vale kalova ?

Ju thashe per degezen e brishte ?
Me foli per endrren e jetes .
Per dallendyshen bredharake
per perkushtimin e bletes .

Per petalin e turperuar .
Per gjembin qe e shoqeron.
Per kallirin kokerrezuar.
Per vreshtin qe vlon .

Per barin e shkelur nga vesa .
Per pikezen e shiut te vjeshtes .
Per muzgun e dashuruar .
Per mengjesin e se vertetes .

Per dorezimin ne nje betim ,
te hedhur ne vargjet e kenges .
Per qarjen e foshnjes ne agim ,
burimin e vaket te memes .

Per rrjedhen e lumit atje
qe shkon me furi drejt detit .
Per kengen e rrapit mbi te
E shekullor profetit

Per mjegullat qe rrugeve presin .
Per gunen shpirterore .
Per enderra qe vdesin .
O ngrihen faltore .

Ju thashe qe fola me qiellin ?
Qe henes nje rreze i vodha ?
Qe u shoqerova me diellin ,
e diten mbi nje vale kalova ?

DREJTESI

Ndermjet letrash harruar
reflektime te vetes , pa jete
perpelitesh me sy ne horizont
ngujuar humbetirave , ti vete.

Gijotine shkresash zverkut leshuar
ankthi Makbethian , pellgje
pellembe djersitur perqafuar
me shpresen ne dergjie.

Henedritez pikellimi venitur
germalle ngrehina buzeqeshje
shami e ndotur e grabitur
maske percunduar ne perqeshje .

Pret e nesermja te vije
mbi nje "Ndoshta" , shpreson .
Te ardhmen tende , mbi themele hije
Varremihesi i enderrave , nderton .

SONTE

Sonte , nata me tha
Rri me mua !
I thashe nuk mundem,
jo se nuk dua .
Me pa e lagesht
e mu pergjerua
Te lutem mos ik
ne do te te dua .
U ktheva e pashe
Po me mua cke ?
Nuk te dalin yjet?
Gjithe qiellin ke.
Dua te fle gjume
Te enderroj , dua .
Neser jam ne pune .
C'te zuri me mua ?
Po ajo sdegjon
Me shikon e erret
Yjet shkon te shuaj .
Henen te perzere .
Te ka faj ?me thuaj .
Hajde se po rri .
Me nje kusht ama !
Do jem ne nje enderr
dita kur te vije .

SIMFONIA E DHIMBJES

Fryu ere e ftohte
ate nate .
Gjethet ,
dhane alarmin .
Pemet
tkurren krahet .
Toka
ne etje u ca.
Liqeni
ne heshtje ,
mblodhi valet .
Yjet ,
ulen syte ,
te turperuar.
Hena..iku ,
mbi dhimbjen
kaleruar.
Mbetem ,
une ... ti ,
heshtja ,
dhe shpirterat
vajtuar.

DASHURIA

C'eshte ?

Perendi e endrres ,
perendi e shpreses
perendi qe i jep
kuptim jetes .

Dashuria

Vallezim i lashte sa Aferdita ,
Hena loz mbi magjine
me mijera copezadrita .
Copeza enderrash hyjenore .
Copeza ndjenjash shpirterore .

Dua perjete !

Enderr e perjeteshme vajzerore ,
enderr e brishte dhe engjellore ,
enderr qe dua perjete te vallezoj me ty ,
enderr e krijuar vetem per ne te dy

Me thuaj !

Perendi mbi perendi ,
me thuaj ne c'parajse u krijove ti ,
tregome rrugen qe te vi ,
tregome qiejt si ti arrij ...

DETIT

Ti vjen drejt meje me furi ,
perplas kamzhikshem dallge.
Terhiqesh duke hungeruar, perseri .
Cfare do te me thuash valle ?

Prape mbledh shkume e ngrihesh prape.
Rikthehesh me madheshtor.
Njera dallge , tjetren nxiton te kape .
Pastaj , drejt meje, vine si taborre .

E une heshtur te shikoj ,
Pres te me thuash prape e prape .
Mesazhin tend , ngulmoj te kuptoje
Misterin tend , dua te kape .

Do rri ketu , deri ne kuptim
Vocerrake perpara bukurise .
Do iki e perseri do te vije
te ndjeje kripen , e mrekullise

MALL

Egziston nje adrese
diku ne Tirane
Nje pallat me kate ,
pese .
Kujtimet , shtepine
aty kane .
Rrugeve te botes
shume adresa
nderruar .
Imazhin
e nje apartamenti
kot lodhen
per ta zevendesuar .
Asgje nuk mungon
ne brendesi te tyre .
Kudo ,
mendja kerkon .
Ate !
te vogelin apartament ,
ne hyrje .
Kish tjeter hapesire
bota me shume halle .
Ish kaq e dlire
shtepia shpirte madhe .
Kish zera bilbilash
dhe shpirtra luanesh .
Me mungon e shtuna
Termet kengesh
shume ballesh .
Ajo dere e hapur
pa celes mbas vetes
dritare miqesore
Dhe loja e bejtes .
Fjala miremengjes
e thene nga komshija .
Bari me ves ,
ku loznin femija .
Aroma e Mimozave
anes trotuareve.
Bliri i mocem
Krrusur kalimtareve .
Do vi tek ty , nje dite
ne shkalle do ulem .
Do rri si atehere
deri sa te pergjumem .

DIELLORI

E vetmja gje
qe nuk me mungon ,
eshte dielli .
Shpesh here ,
jam i denuar
te ul syte ,
sepse rrezet e diellit tim
shqetesojne ambientin rrethues .
Dicka si cigarja . Ndali diellimi !
Ej , ti ! Uli syte !
Dicka
nuk vete mire me ty .
Nga dole ti perbindesh ,
qe perpiqesh te besh
te zgjuarin ?
Aaaaaaaa..koke mushke !
Ke shume vetmi .
Pse nuk hapesh ?
E c'te hapem ?
Do dali me shume diell ,
e kam frike per ju !

POEZIA IME

Te shkruaj kam vite qe provoj .
Gjithmone gabova diku , ose gaboj .
Flete zhubravitur mbushur hapesirat,
Kujtime te keqia , te brishta dhe te mira.

Ti erdhe mes dhimbjesh , poezia ime ,
engjell , muze , pavdekesi !
Gjithshka tjeter , u be therrime .
E vetmja e vertete , ishe ti .

Dy buze gonxhe , lengun tim thithen .
Dy sy universe , parajsen sollen prane.
Me kapje petali u mbeshtete tek une .
Diejt , driten e tyre me dhane!

Drejt meje , hape monopatin e pare .
Dy hapa , re , u ngrite prape.
E dije qe do jem gjithmone atje .
Bashke ecem ne kuptimin , dite , nate .

Ti rigjenerimi i qenies time , njeri .
Bashke thyem te paren pengese .
Kudo , me dhe pa mua , ishe edhe ti .
Mbi ballin tim rriteshe pike vese.

Vitet u gdhenden ne te zemres , brendesi .
Ne kishim te vecantin , tonin kalendar
sa e sa te bukura kujtime me dhurove ti .
Ne bibloteken shpirt sa vellime marre

Cdo vit per ty thjeshte , nje hap
per mua pa fund , vellimet .
Ah ! Ti ktheja vitet mbrapshte , prap !
Nga casti i pare te fillonim , perjetimet.

E di ! Koha mbi mua dhunshem tani kalon .
Mbi ty sjell vetem delikaten bukuri .
Eshte shkruar , jeta mbi jete qendron ,
e gdhendet , me e bukura histori .

FJALA

Fjala !
Ajo ,
e bukura ,
fisnikja ,
kuptimplota
...ajo .
E erreta,
keqedashesja ,
e kota.
Eh.. fjala !
Ç'peshe mban
rrenjedala .

HIEROGLIF

Ne keshtjellen time te letres
hua nga panjohja
jam une dhe gjithshka tjeter
qe me vete do te doja .

Sa here qe me bije rruga
mallit ti them 'Erdha"
mbledh grimca te" pavlefshem "
shpesh, me njolla te verdha .

I fsheh me kujdes
neper xhepat e mishit
i pergjerohem, per bese!
Te mos mi preki , Hicit .

Ju bej temena
ne mengjes ne rrezediell
loz me to ne henez
si magjistare qe ndjell.

Nuhas arome te njohur
packa se imagjinoj
ka humbur neper vite
po une e enderroj .

E loz si nje femije
me copeza kujtimesh
mi kerkon ime bije
i them ," Prit sa te rritesh ".

Hieroglife mbushur
nga dell arberor
Gluha ime e bukur
mes librash , dekor .

HEREZI

ZOT
emri yte
u shenjterofte.
UROJ!
Gjithkush
te gezoje
dhe te pergjerohem
Nje cast
vetem nje cast
ne bote
Pagane te krishtere
budiste , myslimane
Te gjithe
pavaresisht se c'jane
Nje buzeqeshje falju
kudo jane
Vetem ne nje cast .
Buzeqeshja
te mbreteroje.
Hallet kush ka
ti harroje .
Qofte dhe vetem
nje cast
te GEZOJE.
Dhe dije PERENDI
e shenjte
e fuqishme ti .
Me dhe
me te madhen pasuri ,
qe mendje njeriu
enderron dhe di...

TANGO

Dhimbje !
Humbje, perjetim.
Diell mberthyer
ne pranga.
I endrres flijim .
Hap prapa.
Perseri !
Ndalo !
Perulje, pranim .
Vese rrezuar
mbi petal.
Veshtrimit devijim !
Deshire !
Per drite ,per jete
vullnet.
Hap para
dyzim .
Piruete.
I rrezes flijim .
Ngre syte.
Perseri !
Hap para.
Shtyn !
Je ti ,
guxon !
Force !
Deshire!
Pasion!
E di mire!
Mundesh.
Diellin te fitosh.
Boten te rrezosh .
Mundesh.
__________
Për "Sofra poetike": Haxhi Muhaxheri

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31