Ali Lajçi dha dorëheqje nga LDK

nga **Agim Gashi** Tue Jul 05, 2011 8:10 pm

Ali Lajçi dha dorëheqje nga LDK

Ali Lajçi ka dhënë dorëheqje nga Lidhja Demokratike e Kosovës (LDK) në shenjë pakënaqësie me zhvillimet në këtë subjekt politik. Në një prononcim për medie, ish- kryetari i Komunës së Pejës, Ali Lajçi ka thënë se udhëheqja aktuale e LDK-së ka shërbyer në Partinë Komuniste të Jugosllavisë. Ai ka deklaruar se kryetari i LDK-së, Isa Mustafa i denigroi dhe i deformoi reformat ndërsa LDK është konsumuar dhe nuk ka çka t’i ofrojë Kosovës. Ai ka thënë se do të vazhdojë aktivitetin e tij politik në ndonjë subjekt tjetër politik.

Ndërkohë, Lidhja Demokratike e Kosovës konsideron se dorëheqja e Lajçit është akt personal i tij dhe reagim i një njeriu të pakënaqur me statusin e tij, i cili është përcaktuar nga elektorati i LDK-së.

LDK çmon punën e deritashme të Lajçit por nuk pajtohet me vlerësimet e tij për udhëheqësin e partisë. Sekretari i përgjithshëm i LDK-së Ismet Beqiri deklaroi se LDK po vazhdon me sukses reformat e saj demokratike dhe është partia e cila me zgjedhjet e brendshme po u jep shembuj edhe subjekteve të tjera politike.

Ai tha se në vazhdën e kësaj javën e kaluar në Pejë është mbajtur kuvendi zgjedhor ku me votim të fshehtë është zgjedhur kryetari dhe kryesia e degës.

>> Pejë: Gazmend Muhaxheri zgjidhet kryetar i degës së LDK-së>>

Mon	Tue	Wed	Thu	Fri	Sat	Sun
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30