Drews: Zgjidhja për veriun me mjete paqësore dhe dialog

nga **Agim Gashi** Tue Nov 01, 2011 7:42 pm

Drews: Zgjidhja për veriun me mjete paqësore dhe dialog

Komandanti i KFOR-it, Erhard Drews gjatë një vizite në qytetin e Ferizajt tha se situata e tanishme në veri të vendit duhet të zgjidhet në mënyrë paqësore. Drews tha se lëvizja e lirë për të gjithë qytetarët vazhdon të jetë ende problem.

Komandanti i KFOR-it, Erhard Drews duke folur për situatën në veriun e vendit tha se nëse nuk arrihet deri te një zgjidhje paqësore atëherë KFOR-i është i detyruar të gjejë një zgjidhje tjetër duke mos saktësuar datën e heqjes së barikadave.

”Ky problem duhet të zgjidhet me dialog. Nëse me dialog nuk kemi zgjidhje adekuate atëherë është detyrë e KFOR-it që të gjejë një zgjidhje tjetër me mjetet e veta”, tha ai.

Korsitë e hapura në rrugët që çojnë drejt vendkalimeve kufitare në Jarinjë dhe Bërnjak, nuk janë të mjaftueshme për kalimin e automjeteve të rënda të forcave paqëruajtëse, tha zëdhënësi i KFOR-it, Uve Novicki. ”KFOR-i nuk do të mund t’i furnizojë apo bartë trupat në ato pjesë”, tha ai.

Mirëpo kjo është në kundërshtim me njoftimin e përfaqësuesve të katër komunave, të cilët thonë se kanë mundësuar lirinë e lëvizjes së plotë, që nga e mërkura e kaluar. ”Ne kemi nevojë për liri të pakushtëzuar të lëvizjes jo vetem për KFOR-in por për të gjitha organizatat ndërkombëtare dhe për popullatën civile gjithashtu”.

Ndërkaq situata e përgjithshme e sigurisë në veri të vendit është e qetë dhe nuk janë regjistruar incidente që do ta rrezikonin sigurinë e përgjithëshme edhe pas vendosjes së barrikadave të reja nga serbët, bëri të ditur zëdhënësi i Policisë së Kosovës për rajonin e Mitrovicës, Besim Hoti.

Pas bisedimeve të shumta me përfaqësues të KFOR-it, të ashtuquajturit përfaqësues të katër komunave me shumicë serbe, kanë thënë se kanë mundësuar lirinë e lëvizjes për KFOR-in, por jo edhe për EULEX-in dhe organizatat e tjera ndërkombëtare.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31