Viktoria Xhako:Dy poezi

nga **Agim Gashi** Sat Nov 26, 2011 12:38 am

Viktoria Xhako:Dy poezi

KU DO TË SHKOSH?

-Ripublikim-
Zemërdhembshura nëna ime
- Ku do të shkosh, ti bijë, - më tha?
- Është shumë e gjatë rruga,
Këpucët për ty janë të mëdha.-

Strehën mbi sy, ëndrrat varur krahut,
Nisa t’i ngjitem shtegut të lartë.
Lule të thara, pa gjurmë jete,
Eca...këpucët më vranë mjaft!

E martë 9 mars 2010 ora 22:22
(ZHORZH SAND)

Nga vëllimi i ri poetik gati për botim “TAKOHEMI NË QIELL”

PRANDAJ I VESHA KËPUCËT......

Të pres në bregun e vetmisë sime...
Me valën tinzare, duke mërmëruar.
Që, veshur ka blunë e ëndrrës së dikurshme,
Në fundin e së cilës diçka është trazuar.

Të shoh nga larg me buzëqeshje,
Krahët të zgjas me etje, me zjarr.
Por rrugën kthen ti, pa fjalë, pa gjeste,
Dhe valët më godasin, dallgë të mëdha.

Në breg e vetmuar kërkoj valëzimin.
Zemër akulluar në ajrin e ftohtë.
Të vij tek ti, krejt e pamundur,
Krahët i kam të brishtë, të dobët.

Prandaj sërish i vesha të rëndat këpucë,
Mbi plagët e këmbëve që ende kullojnë gjak.
Mallin, me lotët e mi, po end pëlhurë,
Zemrën ta mbështjell, të reshtë pak nga pak.

E mërkurë 17 gusht 2011 ora 19:30
VIKTORIA XHAKO
(ZHORZH SAND)

Viktoria Xhako:Dy poezi 312183_313882008639318_100000525636701_1259168_326345123_n

Viktoria Xhako:Dy poezi 312183_313882008639318_100000525636701_1259168_326345123_n

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31