Rrëmbehet një femër në Klinë, policia arreston 3 persona

nga **Agim Gashi** Fri Apr 27, 2012 1:07 am

Rrëmbehet një femër në Klinë, policia arreston 3 persona

Policia Rajonale e Pejës ka njoftuar të enjten se në rrugën Pejë-Cerkovikë , në afërsi të Klinës është rrëmbyer një femër.
Policia ka gjetur një këpucë dhe një zinxhir të dorës i arit në vendin e ngjarjes, të cilat dyshohet se viktimës i kanë rënë derisa kishte bërë rezistencë gjatë rrëmbimit.
Xhevat Ibra, zëdhënës i policisë në Pejë ka thënë se sipas hetimeve te para dyshohej se në ketë rrëmbim personat e dyshuar kishin përdorur automjetin e tipit “Opel vectra” ngjyrë hiri, kurse policia ka arritur të identifikojë edhe numrin e targave.
“Dyshohej se në këtë rrëmbim ishin të përfshirë tre persona të dyshuar të cilët më forcë e kanë futur viktimën në automjet”, ka thënë Ibra për Kosovapress.
Angazhimi i shumë njësiteve të stacionit policor të Klinës ka rezultuar me ndalimin e automjetit të dyshuar në mes të fshatit Ujmir – Doberdol diku rreth orës 14:50 dhe është arrestuar i dyshuari shtetasi L.(F.)Mehmetaj (1992)nga fshati Cerovikë i Klinës.
Ibra më tej ka shtuar se gjatë bastisjes së automjetit është hasur viktima shtetasja e Kosovës, nga një fshat i Komunës së Klinës, e lidhur më një litar dhe kishte lëndime të lehta trupore në duar, të shkaktuara nga litari. Po ashtu, në këtë automjet është gjetur edhe një thikë, dy shalla të cilat i kanë përdorur të dyshimtit për maskim, një maskë e zezë të cilën ia kishin vendosur viktimës në kokë për të mos pasur njohuri ku e dërgojnë.
Më pas hetuesit kanë arrestuar edhe dy të dyshuarit e tjerë, shtetasit K.(S.) Mehmetaj (1994) nga fshati Cerovikë-Klinë dhe shtetasin A.G.(1995) nga Shipoli i Mitrovicës.
Gjatë bastisjes së shtëpive të dyshuarve, është konfiskuar edhe një pushkë e gjuetisë.
Me vendim të Prokurorit Publik ju ka shqiptuar masa e ndalimit policor prej 48 orësh, tre të dyshuarve. Rasti do të procedohet në Prokurorinë Publike nga njësitet përkatëse të cilat janë duke zhvilluar hetimet.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31