Prishtina dekorohet me Urdhrin “Gjergj Kastrioti Skënderbeu”

nga **Agim Gashi** Sat Jun 30, 2012 4:48 pm

Prishtina dekorohet me Urdhrin “Gjergj Kastrioti Skënderbeu”

Presidenti i Republikës së Shqipërisë, Bamir Topi, i dorëzoi kryetarit të Prishtinës Urdhrin “Gjergj Kastrioti Skënderbeu”, “Për rolin historik në përpjekjet shekullore për liri dhe pavarësi, për meritat e veçanta në zhvillimin e lëvizjes kombëtare, përkrahjen e dijes dhe përparimin kulturor, për qytetarinë, sakrificat dhe kontributin e vazhdueshëm në ruajtjen e traditës dhe forcimin e identitetit kombëtar”.

Kryetari i Prishtinës, Isa Mustafa ka pritur të premten presidentin e Republikës së Shqipërisë, Bamir Topi, shoqëruar nga deputet të Parlamentit të Shqipërisë dhe zyrtarë tjerë.

Më këtë rast kryetari i Prishtinës, prof. dr. Isa Mustafa duke iu falënderuar presidentit Topi për vizitën, tha se kam nderin ta presim presidentin e Shqipërisë, por edhe me qytetarin tonë të nderit.

“Ju falënderojë për kontributin e dhënë si president i Republikës së Shqipërisë, për të arriturat e vendit tuaj, për avancimin e demokracisë, forcimin e institucioneve, anëtarësimin në mekanizmat ndërkombëtarë, si dhe për kontributin që keni dhënë për shtetin e Kosovës”, tha i pari i kryeqytetit.

Ndërkaq, presidenti i Republikës së Shqipërisë Bamir Topi u shpreh “Sa herë e vizitojë Prishtinën ndihem i emocionuar, gjatë këtij mandati kam qenë dëshmitar i ngjarjeve të mëdha, ngjarjeve historike si për Kosovës ashtu edhe për Shqipërinë, tha presidenti Topi duke i përmendur shpalljen e Shtetit të Kosovës, anëtarësimin e Shqipërisë në organizmat ndërkombëtarë etj.

‘Unë kam një emocion të veçantë sepse ndjehem realisht qytetar i Prishtinës, pasi që jam ”qytetar nderi i Prishtinës”, andaj roli i juaj zoti Mustafa është i dyfishtë, ju jeni kryetar i kryeqytetit dhe kryetar i partisë historike të cilën e ka udhëhequr lideri i madhe Ibrahim Rugova, kontributi i juaj në ecjen përpara të Republikës së Kosovës është i padiskutueshëm, tha Topi.

Derisa kryetari Mustafa theksoi se presidenti historik i Kosovës Ibrahim Rugova tashmë nuk është figurë vetëm e një partie, por i takon të gjitha viseve shqiptare.

“Sa po kalon koha dhe vitet roli, kontributi dhe respekti për presidentin historik të Kosovë, Ibrahim Rugovën për lirinë dhe pavarësinë e Kosovës po rritet dhe ai tashmë nuk është figurë vetëm e një partie por i takon të gjitha viseve shqiptare”, tha kreu i Prishtinës, Isa Mustafa.

Në këtë takim u fol edhe për zhvillimet politike në Kosovë dhe Shqipëri si dhe për çështje tjera që kanë të bëjnë me dy shtet.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31