MAJLINDA KELMENDI FITON, SAPO KA MUNDUR KUNDËRSHTAREN E PARË

nga **Agim Gashi** Sun Jul 29, 2012 1:03 pm

Xhudistja nga Kosova, e cila mbron flamurin e Shqipërisë, në “Londra 2012”, e nis mbarë. Ajo sapo ka mundur kundërshtaren e parë Jaana Sundberg nga Finlanda. Sfida e radhës për Majlindën do të jetë Christianne Legentil nga Mauritiusi

Majlinda paraqitet në kategorinë gjysmë të lehtë(48-52 kg), e ku përballë do të ketë xhudistet më të mira në botë, si japonezen Yuko Nishida, e cila është xhudistja më e mirë në botë. Sportistja nga Peja është shumë e favorizuar për të fituar një prej medaleve olimpike, sidomos medaljen e bronztë, pasi konkurentja e vetme serioze është japonezja Nishida.

Majlinda Kelmendi prezantohet nën flamurin e Shqipërisë pasi Kosova nuk është pjesë e Familjes Olimpike.
Ndërkohë që dje dy përfaqësuesit e ekipit olimpik shqiptar në Lojërat Olimpike në Londër 2012 kanë zhgënjyer duke arritur rezultate shumë të dobëta. E para që ka garuar ka qënë Noel Borshi në stilin 100 metra flutur në orën 10:31. Borshi ka garuar në baterinë e parë duke dalë e para midis dy konkurenteve të saj me kohën 1:05.49 , por kjo nuk ka mjaftuar për t'u kualifikuar në gjysmëfinale duke u eleminuar në fazën kualifikuese. Theskojmë që Noel Borshi nuk ishte përgatitur për të garuar në një disiplinë të tillë, 100 metra flutur, por në 50 metra flutur.

Si pasojë e mosëmarrëveshjes midis Komitetit Olimpik Shqiptar dhe Komitetit Olimpik Ndërkombëtar, Noel Borshi përfundoi në disiplinën e 100 metrave flutur. Ndërsa sportisti tjetër i ekipit olimpik shqiptar në Londër, Arben Kuçana garoi në orën 12:00 në disiplinën e 10 metrave pistoletë ajër. Kuçana nuk realizoi pritshmëritë në garën e parë duke mos arritur të kualifikohet në finale. Në garë merrnin pjesë 44 shtete nga i gjithë globi. Shqiptari arriti të pozicionohet në vendin e 20 pas performancës së tij duke mos shkuar më tej. Në finale kualifikoheshin tetë sportistët që kishin arritur të siguronin kohët më të mira.

WWW.VOAL-ONLINE.CH

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31