Zonja e Parë e vendit rrëfen jetën e familjes presidenciale

nga **Agim Gashi** Fri Sep 07, 2012 6:55 pm

Zonja e Parë e vendit rrëfen jetën e familjes presidenciale

Njohja me zotin Nishani, ceremonia e martesës, shtëpia e parë dhe vështirësitë e të qenit një bashkëshorte, nënë, grua dhe amvisë. Gjatë kësaj interviste ajo shprehet në lidhje me jetën e saj para dhe pasi Nishani është shpallur President ndërsa nënvizon se jeta familjare nuk ka ndryshuar.

Në lidhje me mendimin që ajo ka për ish-zonjat e mëparshme, ajo përgjigjet se secila prej tyre ka pasur profilin e saj, por zonja Berisha në gjykimin e saj ka pasur dimension më të plotë dhe më aktiv.

Në këtë rrëfim ajo flet edhe për njohjen me Nishanin.

"Bashkë për herë të parë jemi takuar në Durrës në verën e vitit 1992. Unë në atë kohë isha në vitin e katërt të Fakultetit të Inxhinierisë së Ndërtimit, ndërsa Bujari ishte pedagog në Akademinë Ushtarake. U martuam në tetor të vitit 1994. Dasma ka qenë tradicionale, domethënë zgjati dy net. Atëherë ishte vështirë për ambiente dhe veshje (kam parasysh fustanin e nuses). Mbaj mend që për gatimet u angazhuan shumë gra të pallatit, por çdo gjë shkoi shumë mirë.Pasi u martuam ne kemi jetuar për pak vite në një shtëpi 1-katëshe përballë Prokurorisë së Përgjithshme, e cila na u kthye si pronë ato vit", është shprehur zonja Nishani.

Zonja e Parë e Shqipërisë, Odeta Nishani është nëna e dy fëmijëve Fiona dhe Ersi, si edhe vajza e Shegushe dhe Ali Kosovës. Babai i saj vjen nga një familje tregtarësh nga Kosova, të vendosur në qytetin e Durrësit në vitin 1905, ndërsa nëna vjen nga familja Karaosmani, gjyshi i së cilës ishte një nga firmëtarët e Aktit të Pavarësisë, si dhe Ministër i Bujqësisë në Qeverinë e Ismail Qemalit. Elbasani është vendi, në të cilin Znj.

Nishani u rrit dhe kreu arsimin e mesëm të përgjithshëm në shkollën “Dhaskal Todri”. Më pas Zonja e Parë, Odeta Nishani u diplomua në Universitetin Politeknik të Tiranës si “Inxhiniere për Ndërtime Civile dhe Industriale” në vitin 1993. U martua me zotin Bujar Nishani në vitin 1994. Znj. Nishani e nisi karrierën e saj profesionale në Akademinë Ushtarake si Drejtuese Investimesh, duke vijuar më tej në Institutin e Studimeve dhe Projektimeve, si Inxhiniere Ndërtimi dhe Konstruktore për një periudhë 10-vjeçare.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31