Kafshojnë qent endacak me pasoja vrasjeje

Eltoni, viktima e radhës e kafshimit të qenve endacakë



Prishtinë, 24 prill
Shtatëvjeçari Elton Retkoceri, ka marrë plagë të rënda nga kashfimi i qenve endacak.
Eltoni është sulmuar në kokë, këmbë dhe krahë, por jeta e tij është jashtë rrezikut për jetë. Ai është transferuar në Qendrën Emergjente për ti dhënë ndihmën e parë dhe falë intervenimit të shpejtë të mjekëve jeta e tij është jashtë rrezikut. I ati i Eltonit, Fahri Retkoceri, ka arritur ta shpëtoj djalin e tij nga më e keqja. Ai kishte qenë duke punuar afër shtëpisë në lagjen Kodra e Trimave në Prishtinë, kur kishte dëgjuar zërin e fëmijës së tij dhe një fqinjë duke alarmuar për sulmin e qenve ndaj djalit të tij. “Qentë ia kishin zhveshur pantallonat dhe thuajse ishin duke e mbytur”, tha ai, duke shpreh zhgënjimin e institucioneve kompetente të cilat nuk marrin masa me kohë.
Edhe në Qendrën Emergjente, njoftojnë se jeta e tij është jashtë rreziku, por se plagët janë të kafshimeve të shumta. Ky është rasti I dytë pas atij të ndodhur në Karaqeve të Dardanës, ku ka humbur jetën një fëmijë tjetër, si pasojë e kafshimit të qenve endacak.b.s.