Epitaf nderi Prof.Gëzim Uruçit nga Musa Jupolli, Mentor Thaqi dhe Agim Gashi

nga **Agim Gashi** Tue Dec 18, 2012 2:25 am

Musa Jupolli:Gëzim Uruçi - it
Epitaf nderi Prof.Gëzim Uruçit nga Musa Jupolli, Mentor Thaqi dhe Agim Gashi Faq04_01

Diku u harrua një letër
Letër e shkruar me kujdes
Në kujdes të Alfabetit tonë
Si duket e ardhur nga e lashta
Aty Hyu dërgoi Gëzim Urçin në takim
I ati në mbrojtje të engjullit ende të ri
Gajtani u zbulua me ngjyra të Ilirisë
Në dhuratë Gëzimit një filozofi
Honoris i Enciklopedisë u shpallë
Shkodra ndjeu krenari, kokën lart !
*
Gëzim Uruçi !
Shqipërisë i dhe emër , kombi të nderon
Letrat shqipe pikë loti rrodhën n' Udhëtimin tënd
Motra e vëllezër në zemër diçka u pikoi
Në mungesën tënde këtij Dhjetori
Kur dimri po afron
Bora e bardhë shpirti yt i dlirë
Gëzim Uruçi !
Bibliotekë shpirti yt
Në kujtesën tonë urtësia dhe filozofia
Espeologjisë , nderi i Arbërisë !
Flamurin e vure me dorën tënde në
Polin e njerëzisë, frymëmarrjen e gjithësisë
Freskinë ndjeve me valëvitje të Shqiponjës
Rrugë të ndritshme ke si këtu si atje
I Yni Gëzim Uruçi !
Në letrat tona emri Yt sot shkruhet me germa të Mëdha !

musa jupolli,17/12/2012,paris

Mentor Thaqi:KUR IKË N´PAVDEKËSI ARKEOLOGU
(Homazh-Epitaf Nderi Prof. Gëzim Uruçit)

Sa n´mihje
për ndritje thesaresh
e sa n´ngjitje
n´Maje
kombëtarçe,
Arkeolog,
Letrat e Kombit
e thanë kthjelltë,
punë e zelltë!

Dhimbjes
kapaku s´i vëhet
as e pabërë
nuk bëhet.

Duhet ngjitur
kaluar kodra
Lartësive
e Thellësive
n´takim me ty,
aty n´zemër
me Emër
t´ka Shkodra
dhe jona Arbëri
o Kampion
i ngjitjes naltësive!

N´krye t´Polit t´bardhë
i kuq ai Flamur,
erërave ua shpalosë krahët
dykrenorja jonë
Shqiponjë,
Shtizë e ngulitur n´shkëmbakullin
e kthyer n´shkëmbgurë
me emrin tënd
vulosur përgjithmonë!

Paj, Epoka rron
edhe shekulli po të huqi,
do të rron
Gëzim Uruçi!

Një Muze
nga dje,
na e dhe,
na e le,
Shkodra ta ruan
me nderë,
përherë!

Mentor Thaqi VS., 17.12.2012

AGIM GASHI:PSE IKE O VLLA, GËZIM URUÇI?

Epitaf nderi Prof.Gëzim Uruçit nga Musa Jupolli, Mentor Thaqi dhe Agim Gashi 228515_202078479833659_8096366_n

Epitaf nderi Prof.Gëzim Uruçit nga Musa Jupolli, Mentor Thaqi dhe Agim Gashi 228515_202078479833659_8096366_n

Unë dua të shkruaj për Ty, Gëzim!
Unë dua të qaj për Ty, i dashur vlla!
Unë dua tani të jem në Shkodër,
E me lahutën tande të qaj me za,
Në shtëpinë tënde muze,
Se ti sot më ndër të gjallët nuk je.

Po si shkove kështu oooooooooooo Gëzim Uruçi?
Po a më the, o vlla, se edhe kësaj radhe shpëtuam bashkë?
Po si ma theve zemrën e ike në atë rrugë të gjatë?
Dhe unë tani qaj për Ty, në këngën që e meritove.
Ah, po zani im është i mbytur, fyti është i thatë.

Shkuan, shumë shkuan nga kjo botë,
Tani edhe ti shkove, o vlla, pa fjalë, pa zhurmë.
Edhe në ndarjen e fundit ishe dinjitoz,
Nuk i shqetësove të dashurit e tu.
As miqtë, as Shkodrën,
As malet e shpellat që i studjove,
As piramidat e të parëve tanë!

Ti, mundin dhe dashurinë
Atdheut ia fale,
Por sonte zemrën mua ma thave!
O miku im, o vëlla!

17.12.12
Düren A.G.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31