Agim Gashi dhe Përparim Demi

nga **Agim Gashi** Wed May 29, 2013 4:05 pm

Agim Gashi: AH, VETMI !…

Në errsinë ç’po kalon jeta,
Çdokush ka hallet e veta,
Por ma të randa më duken mue
Që më kan tretë e përvlue.

Prej shumë vitesh me mundime
S´troket kush në derën time,
Gja s’kam ba, me i pas randue,
Pse kështu, me më harrue?

II

S’e mbaj mend, sa ishte moti,
Prej atdheut kur jam dalë.
Për mall t’tij e nanës sime,
Shpirt e zemër më janë kallë.

Sa më ka smu merzi e shkreta,
Ma shumë n´spitale se sa n´shtëpi,
Me bukë të huej në këto vende të shkreta,
Me shumë ilaçe e terapi.

III

Ah, atdhe! Ah,nana ime,
Ç’qe ky fat kështu për mue,
Që s´la Zoti me Ju të plakem,
Për Ju me qeshë e me këndue?

Dalngadal po shkon kjo jetë,
Me plot halle e mundime,
E unë s’po mund me i ndal lotët,
Për Ty, atdhe, e ty, nana ime.

IV

Po vjen koha me u nda nga jeta,
Me breng shpirti, që s’vdes n´atdhe,
Do t´më varrosin nën shkurre t´hueja
Me sy çel do t´më lshojnë në dhe.

Nji amanet po e la tani
Të m’i shkrueni këto fjalë:
„Për dashuri t´atdheut e nanës
Kangë e vaj as në vorr s’po i ndal“!

17.10.2011-Düren
Agim Gashi

Përgjigje nga miku im PËRPARIM DEMI

O AGIM GASHI

Mbahu,mbahu,mor Agim Gashi
Se ty nuk po të harron kush
Kanga e dhimbshme,sa s’më plasi
Se po më dhimbesh si askush.

Dhimbjet ti mposht me kangë
Vdekjen e trëmb çiftelia
Për Atdhe shpirti të dhamb
Për Atdhe t’u gris mushkëria.

Hajd Agim,e bëhu burrë
Dhe sëmundjen haja me dhambë
Ma i bukur je se kurrë
Dhimbjet ti i mposht me kangë.

Përqafime nga Përparim Hysi që të uron shëndet e kuvet!

18 tetor 2011

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31