NJOFTIM MBI VDEKJEN E HERSHME TË POETIT FEHMI KORÇA

nga **Agim Gashi** Thu Aug 29, 2013 10:00 pm

NJOFTIM MBI VDEKJEN E HERSHME FEHMI KORÇA

Dje, miku ynë Fehmi Korça publikoi poezinë e tij "Mos më trazo", ndersa nga sot e tutje sdo ta trazoj askush më. Ai iku pa lamtumirë, iku shpejt e qetësisht duke na i trazuar zemrat tona, vdiq mërgimtari poet që su ndal kurr për të mirën e atdheut si me laps ashtu edhe me djers e mund, vdiq miku ynë me shpirt poeti.

Lajmi mbi vdekjen e e Fehmiut më ra në kokë papritmas dhe më ka shqetsuar plotsisht saqë një kohë smunda ta marr veten. Mikja jonë poete Sevëme Fetiqi kishte shkruar një IN MEMORIAM. E lexoja e smundja të besoja se Fehmiut po i shkruheshin ato fjalë morti, ajo biografi mortore. Ishte akoma i ri, në mohen më të pjekur kur pritej nga ai aktivitet, shkrime e libra. Biografinë për fehmiun por e marr nga Sevëme Fetiqi me qëllim që ta ngushllojmë familjen dhe vetëveten sa më denjësisht që mundemi. Borgj ia kemi mikut tonë poet Fehmi Korçes!

LSHAKSH në Gjermani

IN MEMORIAM

Në Përkujtim të mikut dhe kolegut, anëtar aktiv i LSHAKSH në Gjermani që ndërroi jetë sot nga sulm në zemër...

F E H M I K O R Ç A

Fehmi Korça ka lindur më 25 gusht 1969 në fshatin Gëminc-Malësia e Gallapit. Shkollën fillore dhe të mesmën i ka mbaruar në Gjilan. Si ish-student i fakultetit filologjikë dega Gjuhë dhe Letërsi shqipe, u largua nga vendlindja në vitin 1991 dhe emigroi në Gjermani, ku jetoi me bashkëshorten dhe dy fëmijë.
Në Gjermani përpos kursit të gjuhës gjermane, ai do të vazdhojë edhe studimet. Poeti Fehmi Korça me shkrime merrej që nga bankat e shkollës fillore. Më vitin 1996 shkroi dramën “Plisi në shtizë”, e cila dramë u realizua nga një grup amatorësh. Regjinë e dramës e bëri vet, e cila u shfaq në disa qytete të Gjermanisë. Në vitin 2011 në Tiranë nga shtëpia botuese “ WESO” iu botua vëllimi poetik “ NUK JAM LARG ”.
Shumë vite ishte anëtar aktiv i LSHAKSH në Gjermani.
Vdekja e befasishme më 29 gusht 2013i ndërpreu krijimtarinë e tij të bujshme poetike. Poeti Fehmi Korça vlerësohet si poet më i angazhuar i brezit të ri poetësh. Varrimi i të ndjerit Fehmi Korça, bëhet të premten ( 30 gusht) në varrezat e qytetit në Gjilan. Vdekja e tij është një humbje e madhe për familjen e tij, miqtë e dashamirët por edhe për Letësinë shqiptare në përgjithësi dhe për LSHAKSH në Gjermani.
Pushoftë në paqe!

Për LSHAKSH
Sevëme Fetiqi-Zëdhënse e shoqates

Poezia e fundit që e publikoi dje në FB

MOS MË TRAZO

Hyra këmbëzbathur në pafundësi ,
zgjata dorën ta shpëtoj,më refuzoi
ose kishte mëri djaloshare,
ose kishte vendosur fundin
katrahura jetësore.
Të lutem,mik!
Mos më trazo plagën
në metropolin e gjenezës sime,
më kurse, të paktën në këtë moment!
Mos kërko zanafillën e dhimbjes,
diku,në harresë të kohës është përvjedhur.
Mos!Thinjat e flokut tim nuk përcaktojnë kohën,moshën,as intelektin.
Mos!Mos më ngatrro me"Plakun dhe Detin",jam enigmë në vete,jam ai që jam.
Do të mbetem kështu edhe nëse vdes.
Kështu si jam,me çmimin që do ta paguajmë të gjithë .
Mos me vete do t'i marr të gjitha nga kjo botë,
hidhërimet dhe gëzimet e pakta?
Nuk dua paragjykime,qofsha i harruar për jetë!
Hyra edhe atje,ku nuk dija ç'ka më priste,
rezunoja një pritje të pakuptimtë,për pos natës,dita sikur mungonte,
lugetërit vallën kishin filluar
dhe prtnin nuse pa dhëndërr
Hyra,po pse hyra?!
Të prek realitetin në palcë të njeriut.

Fehmi Korça
Poezi nga vëllimi poetik-Nuk kam larg-2011-Tiranë

Me këtë shfrytzoj rastin ta ngushlloj fmiljen, farefisin dhe miqët anë e kand botes!

nga **Agim Gashi** Thu Aug 29, 2013 10:22 pm

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

NJOFTIM MBI VDEKJEN E HERSHME TË POETIT FEHMI KORÇA

NJOFTIM MBI VDEKJEN E HERSHME TË POETIT FEHMI KORÇA

Re: NJOFTIM MBI VDEKJEN E HERSHME TË POETIT FEHMI KORÇA