Agim Gashi:AKADEMI PËRKUJTIMORE PËR VEPRIMTARIN VELI SELIMIN-një këngë vaji për mërgimtarin

nga **Agim Gashi** Mon Oct 07, 2013 12:55 pm

AKADEMI PËRKUJTIMORE PËR VEPRIMTARIN VELI SELIMIN

Me moton: një këngë vaji për mërgimtarin

Shkruan: Agim Gashi

Më 05.10.2012 në Jülich të Gjermanisë u organizua një Akademi Përkujtimore për veprimtarin mërgimtar të qështjes kombëtare Veli Selimin. Organizmin për shtatë vjetorin e vdekjes e bëri familja e Veliut dhe Këshilli Organizativ nën mbikqyrjen e Milazim Dervishit.

Në Akademi moren pjesë shumë bashkatdhetarë dhe struktura të ndryshme të jetës shqiptare në NRW. Ndër pjesmarrësit ishin edhe z.Anton Kolaj, veprimtari Bahtir Avdiu dhe Hamit Dubovci, Agim Aliu e shumë tjerë. Akademinë e udhëheqi këngëtari e poeti Agim Gashi i cili edhe lexoi një shkrim për jetën dhe veprën e Veli Selimit. Ai mes të tjerash tha: „Veliu ishte aktiv gjithmonë për qështjen kombëtare. Ai mori pjesë në shumë aktivitete të mërgatës shqiptare, demostrata e protesta, aksione humanitare si dhe shumë aktivitete kulturore e sportive. Suksesi më i madh i Tij ishte kur më 1992 me ndihmen e Hamit Halilit, Jakup Ukës, Fehmi Hetemit, Rizah Ramadanit, Musli Behramit, Rrahim Selimit, Nysret Ahmetit e shumë tjerë, dhe arriten ta formojnë Klubin shqiptar „Bashkimi Kombëtar“ i cili Klub veproi deri në vdekjen e Veli Selimit. Me shuarjen e Veliut shuhet edhe Klubi dhe shumë aktivitete tjera kulturore e sportive në Jülich.

Rapsodi i popullit i dhuron veprimtarit Veli Selimit një këngë vaji

Dëshira e Veliut ishte të vdiste në Kosovë për të cilën ishte munduar aq shumë.
Më 2006 ai mori rrugën për ta vizituar vendëlindjen. Një sulm në zemër i ndodh në Ulqin por shpirti i Veliut akoma nuk donte të shkonte në amshim pa mbërri në fshatin e Tij Kuçicë.
Më 17.07.2006 pushoi së rrahuri zemra e këtij mërgimtari në vendlindjen e tij.
Për jetën dhe vepren e Veliut mund të gjeni shkrime edhe në librin Lebensgeschichten të cilin libër e ka botuar Komuna e Jülichit.
Qoftë i lehtë dheu i tokës shqiptare e pushoftë në paqë aktivisti e mërgimtari Veli Selimi!“

Pas fjalës hyrëse, udhëheqësi i Akademisë ua dha fjalën mysafirëve të shumtë të cilët evokonin kujtime nga jeta dhe veprimtaria e Veli Selimit.
I pari e mori fjalën Anton Kolaj i cili pos tjerash tha: “Ata që lëshuan atdheun, nga të gjitha trevat shqiptare, u munduan që ta ndajnë djersën e vetë duke e dhënë një grosh për familjen e një grosh për atdheun. I tillë ishte edhe Veli Selimi i cili dha më shumë për atdheun se sa për familjen. Përkujtimet e tilla, ndaj atyre që nuk janë në mesin tonë, është obligim moral e kombëtar të bëhen e sidomos në këtë 100 vjetor të shtetit shqiptar“!

Folen këtu edhe shumë miqë të Veliut, bashkëveprimtar e bashkëfshatar. Foli edhe Bahtir Avdiu, Hamit Dubovci, Milazim Dervishi, ndërsa Brahim Sylejmani disa here u dashtë ti fshinte lotët derisa lexonte fjalen e tij të shkruar.
Emocionet janë ato të cilat në momente të tilla mashtrojnë edhe lotin. Vlen të theksohet se fjala e Agim Aliut ishte mjaft emocionuese i cili tha:
-Pikrisht sa erdha nga Kosova dhe isha në mëdyshje se a do mundem ta zë Akademinë për Veliun e të ju tregoj se kur kalova pranë varrit të tij, mu duk se zëri itij më tha: -Përshëndeti të gjithë pjesmarrësit dhe u bën të fala.
Edhe kënga e kënduar nga rapsodi Agim Gashi për Veli selimin, ishte mjaf emocionuese. Rapsodi ynë këndoi edhe këngën për Gani Azemin i cili shumë here ishte mysafir I Veli Selimit dhe Klubit “Bashkimi Kombëtar” si dhe këngë e Heroit Enver Zymberit. Në fund edhe rapsodët e mirën johur Haki Qamili dhe Ali Muja argëtuan të pranishmit me disa këngë dëshmorësh të kombit nga lufta e fundit.

Çast nga hapja e Akademisë

Z. Anton Kolaj duke evokuar kujtime për veprimtarin Veli Selimin

Veprimtari z. Bahtir Avdiu

Z.Agim Aliu flet me dhimbje për mikun e tij

z.Hamit Dubovci, bashkpuntor i afërt i Veli Selimit

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31