Qosja vazhdon betejat, kundër Krajës, ASHAK’ut dhe Kryeministrit Mustafa

nga **Agim Gashi** Tue Jan 06, 2015 7:58 pm

Akademiku dhe shkrimtari Rexhep Qosja ka reaguar ndaj një shkrimi të shkrimtarit Mehmet Krajës, në të cilin Qosja në mënyrë pezhorative përshkruhet si “baba i kombit”. Në reagimin e tij, Qosja, pa ia përmendur emrin, Krajën e quan zëdhënës të Akademisë së Shkencave. Ndërkohë në reagimin e ASHAK thuhet ky institucion nuk ka lidhje me shkrimin e Krajës.

Rexhep Qosja e ka nisur vitin e ri 2015 me beteja të vjetra. Ai sërish është marrë me Akademinë e Shkencave dhe Arteve, LDK’në, dhe kryetarin e saj Isa Mustafa i cili rreth një muaj më parë u bë edhe Kryeministër i vendit. Shkrimtari dhe Akademiku i ka reaguar shkrimtarit Mehmet Kraja i cili në shkrim të tij “Kosova dhe Shqipëria në katër pamje” Qosjen në mënyrë pezhorative e përmend si “baba të kombit” ndërsa e cilëson edhe si një nga autoritetet fiktive të Prishtinës.
Qosja në reagimin e tij, Krajën e quan zëdhënës të Akademisë së Shkencave dhe Arteve të Kosovës. Sipas Qosjes, shkrimi i Krajës është në “një artikull programatik” i ASHAK por i nënshkruar nga Mehmet Kraja.
Ndaj shkrimit të Qosjes “Ideloogjia e prapavajtjes” ka reaguar ASHAK ku thuhet se ky institucion nuk ka asnjë lidhje me shkrimin e Mehmet Krajës “Kosova dhe Shqipëria në katër pamje”, i botuar para disa ditëve.
“Shkrimi i Krajës është autorial dhe anëtarët e Akademisë kanë mundur ta lexonin si të gjithë lexuesit e tjerë. Qosja, si dezinformues kujdestar dhe urrejtës patologjik i Akademisë, privilegjet e së cilës i gëzon si të gjithë anëtarët aktivë të saj, ndonëse nuk e ka shkelur pragun e saj tash e 15 vjet, mund t’i drejtohet vetëm Mehmet Krajës dhe pikëpamjeve të tij personale në shkrimin e përmendur”, thuhet në një komunikatë të Akademisë.
Por në reagimin e tij, Qosja nuk është marrë vetëm me Krajën dhe ASHAK’un. Ai aty sërish ka përmendur Kryeministrin Isa Mustafa të cilin sërish e ka quajtur zyrtar të dikurshëm të Sllobodan Millosheviqit.
Ndërkohë që nuk ka lënë pa thumbuar as LDK’në që sipas tij do t'i anëtarësojë edhe kafebërësit dhe procesmbajtësit në ASHAK.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31