Policia barrikadon edhe Qeverinë (Foto)

nga **Agim Gashi** Tue Jan 27, 2015 1:54 pm

Përgatitjet për protestë/FOTO: Bota sot

Policia nuk i lejon protestuesit ta vendosin binën

(E plotësuar)Pas raportimit të Vetëvendosjes të pak minutave më parë se Policia e Kosovës në rajonin e Pejës ka siguruar autobusët për qytetarët e Pejës që janë nisur këmbë për në Prishtinë, vjen njoftimi i radhës nga ta që thotë se autobusët për protestuesit e Pejës “nuk janë siguruar nga Policia”.
“Policia e Kosovës nuk i ka siguruar autobusët për protestuesit nga Peja. Autobusët janë kontraktuar nga Lëvizja Vetëvendosje”, thuhet në këtë njoftim.
Lëvizja Vetëvendosje njofton se pas disa kilometrave në këmbë, nga presioni mediatik Policia e Pejës u solli disa autobusë qytetarëve që ishin nisur në këmbë për në Prishtinë. Kjo tregon që vullneti i popullit gjithmonë triumfon.

Arrestohet një aktiviste, konfiskohet kamioneta, bastisen autobusët

Policia e Kosovës ka arrestuar aktivisten Mimoza Abrazhda në Mitrovicë. Kjo ka ndodhur derisa autobusët me protestues po përgatiteshin niseshin nga Mitrovica, ndërkaq aktivistja Abrazhda po mbante rendin. Policët kanë bërë kontrolle tek protestuesit që pritnin për t'u nisur dhe i kanë bërë shumë pyetje duke e vonuar edhe nisjen e tyre.
Pas pamundësimit të vendosjes së binës në sheshin “Skënderbeu” Policia e Kosovës konfiskon kamionetën në të cilën gjendej zërimi dhe me të cilën u bëhej thirrje qytetarëve që të bashkohen në protestë.
Gjithashtu, Në hyrje të autostradës Prizren Policia ndalon autobusët me qytetarë dhe i bastisur, pastaj i ka nxjerrë jashtë të gjithë ata që qëndronin në këmbë.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31