Tronditëse, ISIS ‘sfilatë’ me luftëtarë kurdë në kafaz nëpër rrugët e Kirkuk (Foto/ Video)

nga **Agim Gashi** Sun Feb 22, 2015 8:26 pm

Tronditëse, ISIS ‘sfilatë’ me luftëtarë kurdë në kafaz nëpër rrugët e Kirkuk (Foto/ Video)

Shfaqet një video e re tronditëse nga xhihadistët e Shtetit Islamik. Në një filmim të publikuar online duken 21 luftëtarë kurdë të mbyllur në kafaze rrugëve të provincës Kirkuk në Irak.
Në video xhihadistët kërcënojnë vrasjen e luftëtarëve kurdë të marrë peng.
Vërtetësia e videos vjen nga Site, një organizëm që monitoron xhihadistët.
21 kamionçina që mbajnë flamurin e militantëve islamikë, lëvizin nëpër rrugët e qytetit, me kafazet e pengjeve sipër.
Secili kafaz është i shoqëruar nga një xhihadist, të cilët janë të pajisur me armë dhe i kanë të mbuluara fytyrat.
Kamionçinat lëviznin përpara një turme të madhe njerëzish, fëmijë e të rritur, që brohorisnin.
Disa nga luftëtarët kurdë intervistohen nga një militant islamik, i cili me një mikrofon që ka logon e grupit terrorist, i bën pytjet e fundit pengjeve, përpara se t’i nxjerrin nga kafazi.
Filmimi ndërprehet në momentin kur nje i moshuar goditet në fytyrë, gjë që lë të nënkuptohet fati i tmerrshëm që e pret atë dhe të burgosurit e tjerë.
Shiraz Maher, bashkëpunëtor i Qendrës Ndërkombëtare të Studimit të Radikalizmit në Kolegjin e Londrës, thotë nëpërmjet një postimi në twitter se video ishte jo e përgjakshme si videot e tjera, por shton se pavarësisht se fundi i videos nuk jepet, pengjet do të jenë vrarë.

Tronditëse, ISIS ‘sfilatë’ me luftëtarë kurdë në kafaz nëpër rrugët e Kirkuk (Foto/ Video) Isis%20sfilata1