Miku i komandant Gjorgjeviqit, veteran i UÇK-së

nga **Agim Gashi** Fri Mar 13, 2015 4:19 pm

Miku i komandant Gjorgjeviqit, veteran i UÇK-së

Fahredin Gashi ishte i bindur se do të vritej nga UÇK-ja. E njihte veten për bashkëpunëtor dhe mik të komandantit të Policisë serbe në Shtime, Dragan Gjorgjeviq.
Që t’i shpëtonte më së keqes që e priste, kishte marrë masa parandaluese. I kishte dërguar një kamion vegetë, UÇK-së.
Kur lufta po përhapej gjithandej, biznesmeni që mbante revole me leje para luftës kishte kaluar në krahun tjetër duke iu bashkuar Ushtrisë Çlirimtare të Kosovës. Kishte arritur të shtrinte lidhjet deri te komandanti i përgjithshëm, Azem Syla.
Historinë e bashkëpunimit me Policinë e Serbisë dhe më vonë bashkimin me UÇK-në e ka dhënë vetë Fahredin Gashi, i njohur si Faruku nga Shtimja, gjatë një dëshmie që ka dhënë vite më parë për hetuesit e Hagës. Dëshmia e tij është shumë e ngjashme me akuzat që janë në raportin e senatorit Dick Marty. Kishte folur për kidnapime, vrasje dhe dërgim të pengjeve në kampe të Shqipërisë. Gashi ka qenë i arrestuar dhe i mbajtur një kohë në kampin e Llapushnikut.
Megjithatë, Fahredin Gashi, i dënuar me 18 vjet burgim për vrasje të një fshatari nga Varigovci nën dyshimin se kishte bashkëpunuar me forcat serbe, ka fituar statusin e veteranit të UÇK-së. Emri i tij është i 437-ti në listën e veteranëve të Zonës Operative të Pashtrikut.

nga **Agim Gashi** Fri Mar 13, 2015 4:25 pm

Bllokohet ura në Kremavik, magjistralja Gjakovë-Prishtinë (Foto)
Miku i komandant Gjorgjeviqit, veteran i UÇK-së Largea_2_50851426236791

Ura që lidh magjistralen Gjakovë-Prishtinë, në Kremavik është bllokuar. Kjo ka ndodhur për shkak se një kali që po kalonte nëpër këtë urë, i ka mbetur këmba në një vrimë.
Qytetarët e atyshëm po bëjnë përpjekje për ta liruar kalin, në mënyrë që ura të lëshohet në qarkullim, ndërsa policia nuk ka ardhur ende.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31