Për Ramadan Mujën po bëhet gati edhe një pad

nga **Agim Gashi** Sun Mar 29, 2015 5:55 pm

Për Ramadan Mujën po bëhet gati edhe një padi

Për Ramadan Mujën po bëhet gati edhe një pad Ramadan-muja

Po bëhen gati pesë vite që kur ky objekt ka mbet në gjysmë. Komuna e Prizrenit mori vendim të nisë ndërtimet e këtij objekti, të paraparë për familjet e dëshmorëve dhe ato skamnore, në prill të vitit 2009, në lagjen “Dardania”, në periferi të qytetit të Prizrenit.

Por, banorët e kësaj lagje nisën një peticion për të ndalur këto punime, duke thënë se ky ndërtim është në kundërshtim me planin urbanistik, pasi që aty është paraparë të jetë një park për banorët e jo të mbushet me ndërtesa të mëdha, raporton KosovaPress.
Ata e drejtuan shqetësimin e tyre në vet Komunën e Prizrenit por edhe në shumë institucione tjera. Por përplasjeve të komunitetit të kësaj lagje dhe pushtetit lokal të Prizrenit, iu erdhi fundi me 22 dhjetor të 2010-ës, kur Gjykata Kushtetuese, mori vendim që të ndalohen punimet në këtë objekt, duke i dhënë kështu një afat prej gjashtë muajsh komunës, që të njoftojë gjykatën për masat që ka ndërmarrë karshi këtij vendimi.
Punimet u ndalën por objekti nuk u rrënua. Derisa tani, Komuna e Prizrenit është duke shikuar mundësitë për të mos e rrënuar këtë objekt por të gjejë ndonjë mënyrë tjetër të shfrytëzimit të tij. Nismëtarët e peticionit po përgatitën që të padisin Kryetarin e Komunës për mos zbatim të vendimit të Gjykatës Kushtetuese.

Taulant Hoxha, banor në lagjen “Dardania”, njëherësh iniciues i peticionit, thotë se vendimet e gjykatës duhet të zbatohen me automatizëm. Mos respektimi i vendimeve të tilla, sipas tij, paraqet vepër penale.
“Ne e kemi informuar edhe Gjykatën Kushtetuese. Komuna normalisht që ka qenë e informuar, ka pas gjashtë muaj afat, prej dhjetorit 2010 për ta njoftuar Gjykatën për zbatim të vendimit, por nuk e kanë bërë një gjë të tillë. Gjykata e ka pas një komunikim me Komunën e Prizrenit dhe ata janë të informuar që vendimi nuk po zbatohet, mirëpo as Gjykata Kushtetuese nuk ka marrë ndonjë veprim konkret ende. Ne këto ditë po planifikojmë që për herë të fundit ta njoftojmë Gjykatën Kushtetuese që vendimi nuk po zbatohet dhe pas kësaj ta shfrytëzojmë mundësinë e fundit që e kemi, që është për ta paditë Komunën e Prizrenit, për refuzim të zbatimit të vendimit të gjykatës, në këtë rast Gjykatës Kushtetuese. Kjo është vepër penale dhe përfaqësuesi i komunës, në këtë rast Kryetari i Komunës, rrezikon që të dënohet me shumë vjet burgim sepse refuzon ta zbatojë një vendim të gjykatës”, thotë ai.
Ai thotë se objekti duhet të rrënohet dhe se nuk ka ndonjë alternativë tjetër. Hoxha tregon se nuk duan asnjë marrëveshje me komunën lidhur me këtë objekt, pasi që sipas tij, do të bëheshin bashkëfajtorë të shkeljes së ligjit.
E në Komunën e Prizrenit nuk duan ta rrënojnë objektin. Duke thënë se aty është investuar paraja publike, dhe nuk duhet të asgjësohet. Ymer Berisha, zëdhënës në këtë komunë thotë se ata pretendojnë të mbledhin një komision e të vlerësojnë se çka do të ishte e përshtatshme të ndërtohet aty.
“Komuna e Prizrenit në plotni ka respektuar dhe respekton vendimin e gjykatës. Kemi ndërpre punimet dhe ne normalisht që brenda gjashtë muajsh kemi dhënë edhe sqarimet se çfarë pretendojmë me atë objekt. Normalisht që tash ne do të ngrehim një komision nga komuna, nga banorët e lagjes atje, dhe sigurisht do të gjejmë një modus që mos të dëmtohet as qytetari as komuna, thjesht ai objekt mund ta ndërrojë destinimin për arsye se shumë lagje kanë nevojë, ta zëmë, edhe për çerdhe të fëmijëve. Dhe, pse mos të jetë një objekt, që mund të shfrytëzohet, i kësaj natyre, shkollë, ambulancë apo shërbime tjera publike. Dhe, normalisht neve duke dashur që ta racionalizojmë edhe paranë e qytetarëve, edhe vendimmarrjen tonë, dëshirojmë që atë objekt mos ta rrënojmë sepse kemi investuar të gjithë bashkë, por mund të gjendet ndonjë modus në ndërrimin e destinimit”, thotë zëdhënësi Ymer Berisha.
Por me këtë nuk pajtohen banorët. Sipas tyre, çfarëdo diskutimi për çerdhe e ndërtime tjera, është i pavlefshëm mbi një vendim të Gjykatës Kushtetuese.
“Hapësira për çerdhe është e ndarë, por nuk ka ende çerdhe të ndërtuar. Plani urbanistik e ka caktuar prej fillimit hapësirën për çerdhe. Ka vend, komuna po të ishte e interesuar të ndërtojë çerdhe, këtë punë e kishin kryer shumë më herët. Mirëpo, ata janë të interesuar me zvarrit këtë çështje duke shpresuar që do të harrohet dikur, do t’i kalojë koha, dhe ata do të vazhdojnë përsëri me planet e tyre për ta keqpërdorë pozitën e tyre për përfitime të ndryshme për të ndërtuar ndërtesa që pastaj Zoti e di se si i shpërndajnë”, thotë ai.
Ai thotë se do të presin edhe pak, nëse do të reagojë gjykata. Në të kundërtën, do të vazhdojnë të ndjekin ligjin, e mos të lejojnë ndërtime tjera aty, përveç një parku gjelbërues siç edhe është paraparë në plan urbanistik.
Megjithatë, në Komunën e Prizrenit thonë se nuk kanë bërë shkelje të planit urbanistik.
Sipas zëdhënësit Berisha, fillimisht ajo pjesë është paraparë për gjelbërim, por planet e përgjithshme ndryshojnë.
“Menjëherë pas luftës është planifikuar që të jetë hapësirë e gjelbër dhe ne absolutisht e kemi mirëprit, mirëpo pas pesë vitesh planet e përgjithshme i nënshtrohen ndryshimeve. Dhe, ne normalisht kur kemi parë kërkesën e familjeve të dëshmorëve dhe njerëzve meritorë për lirinë e Kosovë, e kemi vlerësuar se ai pozicion ose hapësirë nuk do t’i pengonte qytetarët e as plani urbanistik detal të asaj zone”, thotë ai.
I pyetur përse nuk është ndërmarrë asgjë gati që pesë vite pasi janë ndalë punimet, Berisha thotë se në politikat publike, vonesat janë legale dhe se po presin një moment të përshtatshëm për të marrë një vendim se çfarë do të ndodhë me atë objekt.
Kjo çështje po shqetëson edhe shoqërinë civile në këtë komunë.
Elmedina Baxhaku nga organizata “Ec Ma Ndryshe” thotë se në këtë mënyrë Komuna e Prizrenit po bënë shkelje.
“Është rast i detajuar, rast me vendim të prerë dhe nuk e di çka më tepër, çka pritet tjetër të bëhet nga këta banorë dhe nga vet qytetarët kur komuna e bënë një shkelje të tillë. Nuk e di prej kujt presim ne me i ndalu këto degradime dhe këto ndërtime të cilat bëhen pa leje... Komuna e Prizrenit, muaj më parë ka marrë aksion për rrënimin e disa objekteve pa leje faktikisht rrënim të objekteve selektive, me vet faktin se këtë nismë nuk e ka nisur nga vet ndërtimi i saj që e ka bërë pa leje por është marrë me disa baraka, me disa biznese të ekonomive familjare me të cilën në një farë forme janë selektive sepse nuk kanë forcë”, thotë ajo
KosovaPress nuk ka arritur të marrë qëndrimin e Gjykatës Kushtetuese lidhur me këtë çështje
.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31