NISMA: Lista “Srpska” dhe Serbia po vendosin se ku duhet varrosur eshtrat e Boletinit

nga **Agim Gashi** Thu May 14, 2015 7:01 pm

NISMA: Lista “Srpska” dhe Serbia po vendosin se ku duhet varrosur eshtrat e Boletinit

Partia e Fatmir Limajt ka thënë se në çështjen rivarrimit të eshtrave të Isa Boletinit janë të përfshirë edhe Lista “Srpska” dhe Serbia, të cilat s’kanë lejuar që heroi shqiptar të prehet në Mitrovicë.

Nisma për Kosovën kërkon që eshtrat e Isa Boletin te rivarrosen në Boletin te Mitrovicës, aty ku është përgatit kulla dhe varri i tij.

Lexojeni të plotë reagimin

Kudo në hapësirën shqiptare që do të varroseshin eshtrat e Isa Boletinit do t'i bënte nderë kujtimit të këtij kolosi të luftërave për liri e pavarësi.
Por, sot fatkeqësisht nuk po shtrohet çështja se në cilin vend dëshirojmë t’i varrosim eshtrat e tij, por çështja është ku nuk na lejohet t'i varrosim.
Duke pasur parasysh faktin se kjo çështje është negociuar me listën serbe dhe rrjedhimisht edhe më Serbinë, atëherë është e qartë se Vlora nuk është zgjedhur si vendi për te nderuar Kolosin e Kryengritjeve Shqiptare për liri e pavarësi.
Prandaj duke i ikur rivarrimit atje ku janë bërë të gjitha përgatitjet, ketë “tërheqje taktike” e shohim si vrasje të dytë të Heroit tonë, por tani edhe me bekimin e dy qeverive shqiptare të cilat ketë disfatë po përpiqen që të shesin si një vendim patriotik.
Duke pasur parasysh ketë fakt Nisma për Kosovën kërkon që eshtrat e Isa Boletin te rivarrosen në Boletin te Mitrovicës, aty ku është përgatit kulla dhe varri i tij.
Prishtinë, 14 maj 2015
.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31