Virgjëria e një shtatëdhjetë vjeçari

Virgjëria e një shtatëdhjetë vjeçari

Enver Bytyçi


Rekordet shënohen gjithnjë në Librin Gines. Por duket se nuk do ta ketë këtë fat Aleksandër Meksi me rekordin e ri që shënoi në këtë fushatë zgjedhjesh. Shtatëdhjetë vjeçar ai u vu në krye të një lëvizjeje politike, me emrin "Poli i lirisë" dhe e shpalli veten e tij "të virgjër". Sigurisht i vetëshpallur " i virgjër" në politikë, sepse në martesë atij i ka buzëqeshur fati.
Të jesh i virgjër në politikë do të thotë të mos jesh marrë asnjëherë me politikë. Ose të paktën të mos kesh bërë gabime të rënda politike, të cilat rëndojnë mbi figurën e një personaliteti politik. Do të thotë të kesh krendenciale morale e politike të pakrahasueshme me të tjerët. Pra, do të thotë jesh As, të jesh "i virgjër" në çdo gjë. Alekandër Meksi në moshën 70 vjeçare është rikthyer në politikë. Në këtë moshë ai dëshiron "të sjellë një erë të re në jetën e shqiptarëve". Këtë projekt e ka skicuar në tri plane: "Të provojë se vetë është krejt i pastër, krejt "i virgjër", ndërsa të djathtët e tjerë "politikisht të çvirgjëruar, madje të çkirshëruar". Dhe së treti, të ndihëmojë sa të jetë e mundur të majtën.
Ai pranon kështu se ka bërë një operacion "gjinopolitik" dhe se i ka mbyllur të gjitha plagët që i kishin shkaktuar flirtet politike. Këtë operacion ai e pohon, kur thotë se pas vitit 1997 nuk ka votuar asnjëherë.
Dhe në fund të fundit pse duhej të votonte?! A mos do të votonte për t'u bërë kryeministër? Pse të votonte për kryministra të tjerë?! Kjo logjikë e ka çuar Lekën në kërkesën absurde "të të bërit koalicion" me Partinë Demokratike, vetëm nëse Berisha nuk bëhet kryeministër. Domethënë, vetëm nëse vetë Meksi bëhet përsëri kryeministër.
Në fakt për Leka Meksin ka shumë prova se ai në politikë është bajatizuar. Po si ka mundur atëherë të "virgjërohet"?! Ish-kryeministrit i Shqipërisë demokratike i kanë qepur vaginën e spiunllëkut. Operativi i sigurimit, i cili kishte mbajtur në lidhje spiunin Meksi me kryetarin e degës së brendëshme, tash nuk është në Shqipëri. Meksi "e ka harruar" atë. Dhe operativi "e ka harruar" Meksin. Përveç operativit nuk ka njeri tjetër kush të flasë. Dosjen e spiunllëkut e ka zhdukur, atëherë kur ai në pozicionin e kryeministrit kishte dërguar gruan e tij me punë në arkivin e dosjeve të Ministrisë së Brendshëme. Edhe kjo zhdukje dosjesh "është harruar". Kanë kaluar 14 vite që atëhereë. Harresa është bërë bisaturia në dorën e mjekut gjino-politiko kirurg.
Aleksandër Meksi nuk ka punë tashmë me Suden e fondacionit "Sudja". Ajo tashmë është e lirë dhe duket se i kanë dhënë një lloj ilaçi gjumëvënës. Në gjumë Meksit i duket vetja si Mesia, pa kurrëfarë lidhje për qëllime përfitimi me Suden. Por atij ia prish gjumin hija e Gramoz Ruçit, sepse qyshse Meksi kishte zhdukur kasetën e implikimit të ish-ministrit të Brendshëm për ngjarjet e dy prillit 1991 në Shkodër, ka vazhduar ritmin e sotëm të deklarimit antiberishë. Edhe tani në kohët moderne të Shqipërisë moderne, Gramozi i jep meksit urdhërat e lëvizjevë të tij politike.
Ndërkohë Leka nuk ka pohuar nëse e ka ndihëmuar në rikthimin "e virgjërisësë" tij politike mospjesmarrja në ngushëllimet për vrasjen e Azem Hajdarit. Ndoshta një ditë do të mburret dhe me këtë fakt, ashtu siç mburret me "mos pjesmarrjen në votime që prej 12 vitesh".
Të gjitha këto fakte, të cilat i kishte renditur në një artikull të tijin në vitin 2001 vartësi i Meksit, ish-zv.ministri i Punëve të Brendëshme dhe drejtori i Përgjithshëm i Policisë së Shtetit, Agim Shehu, dëshmojnë se Aleksandër Meksi në moshën shtatëdhjetëvjeçare është rikthyer në skenën politike për ta përçarë të djathtën dhe për ta ndihëmuar të majtën e Gramoz Ruçit. Ai në fushatën elektorale nuk ka mundur ta fshehë këtë qëllimin. Ai është dëshmuar i njëjti personalitet politik, si edhe në vitet 1990. Megjithëse shpallet "i virgjër", ai është çvirgjëruar me qindra herë. Nga çvirgjërimi përmes korrupsionit të pamasë, ai arriti që në 12 vitet e mospjesmarrjes në votime të ndërtojë pallate, në truallet, të cilat gruaja e tij i kishte ndërmjetësuar për kthim "te pronarët". Ato kohë kur Meksi kishte filluar të ndërtonte pallate me këto para, miku im, Mero Baze, shkruante në gazetën "Albania" se "janë bashkuar hajdutët e Partisë Demokratike dhe hajdutët e Partisë Socialiste dhe të dy palët duan të vjedhin Shqipërinë".