Toska: Himni 'Nënë Tereza' mesazh për bashkim mes shqiptarësh (VIDEO)

nga **Agim Gashi** Wed Jul 08, 2015 12:59 am

Toska: Himni 'Nënë Tereza' mesazh për bashkim mes shqiptarësh (VIDEO)

Gazetarja Diana Toska, shpalosi përgatitjet rreth projektit të madh për Nënën Terezë, që do të organizohet me 5 shtator, në sheshin që mbanë ermin e laureates shqiptare, në Prishtinë.
“Projekti është kështu – një himn për Nënë Terezën, me një orkestër gjithëkombëtare, me korin e filarmonisë së Kosovës në të cilin marrin pjesë 200 muzikantë”.
Toska: Himni 'Nënë Tereza' mesazh për bashkim mes shqiptarësh (VIDEO) Auto_diana1436302444

“Sopranoja e madhe, Inva Mula e këndon himnin”, tregoi Toska, në emisionin "Zona B", të Klan Kosovës.
Ajo zbuloi se pjesëmarrës do të jetë edhe aktori i madh shqiptaro-amerikan, Jim Belushi.
Toska u bëri thirrje të gjithëve që me pjesëmarrje në shesh të tregojnë përkrahje për projektin, por mbi të gjitha për vetë Nënë Terezën.
Sipas saj, kjo do të ishte reklama më e mirë që shqiptarët do t’i bënin shpirtit të tyre human.
“Shpresoj se populli do ta kuptojë madhështinë e himnit ‘Nënë Tereza’”.
“Tash do t’i kemi dy himne, çdo manifestim që do të bëhet në botë për Nënën Terezë, do të festohet me himnin e saj, të bërë nga ne”.
[diana]
Ajo tregoi se përkrahja morale nuk ka munguar nga institucionet shtetërore, por shpreson edhe në atë financiare, sepse projekti është shumë i kushtueshëm.
“Afër 250 mijë ose 300 mijë euro do të kushtojë gjithçka”, tregoi Toska.
Mysafirja e Zonës B, tha se mesazhi i projektit, manifestimit, por edhe vetë himnit për Nënën Terezë, është shumë i fuqishëm.
“Motoja është: ‘’Bashkimi Kombëtar’’, kjo është ideja e përgjithshme, ne po ia japim besën nënës tonë, për bashkim”.
“Uniteti bënë fuqinë”.
“Himni është shqip dhe anglisht, duke kënduar këtë himn ne do të bëjmë me dije se ajo ishte e është shqiptare”, pohoi Toska.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31