Refugjati solli 4 mijë eurot në polici, është i kënaqur me 20 euro shpërblim

nga **Agim Gashi** Mon Feb 22, 2016 3:47 pm

Refugjati solli 4 mijë eurot në polici, është i kënaqur me 20 euro shpërblim

Jamal Khalaf duket shumë më i vjetër se sa 36 vitet e tij. Xhaketa e tij është shumë më e shkurtër se sa krahët e tij të gjatë.
Jamal ka vetëm tre muaj që jetojnë në Gjermani, iku me gruan dhe katër fëmijët nga Iraku në Ratingen.
Jezidi nuk flet asnjë fjalë gjermanisht – “por ai e ka zemrën në vendin e duhur”, shkruajnë mediat gjermane.
Refugjati kishte gjetur në afërsi të vendit ku ai banonte një kuletë me kartat e kreditit dhe të holla 4000 euro - dhe e kishte dorëzuar atë në polici.
"Unë nuk kam ardhur në Gjermani për shkak të parave", thotë ai, për gjermanen Bild.
Jamal do të kishte shumë arsye që paratë e gjetura t’i mbante për vete: Një vëlla dhe familja e tij ende jetojnë në Irak, pasi nuk mund ta përballojnë koston e të ardhurit në Evropë, rrugëtim që kushton hiq më pak se 2000 dollarë.
"Nuk dua të jem i pasur, por dua që unë me familjen time të jetojmë në paqe", thotë refugjati: "Nëse do të kisha humbur çantën time me kartat e identifikimit dhe të hollat, do të doja që dikush të mi sillte atë përsëri".
Paratë i përkisnin një gruaje gjermane, ka dëgjuar ai nga policia. Dhe ajo nuk kishte pyetur për qytetarin e ndershëm.
Por policia donte të falënderonte Jamalin me 20 euro: "Unë fillimisht nuk i pranova. Megjithatë i mora për fëmijët e mi“.

Mon	Tue	Wed	Thu	Fri	Sat	Sun
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30