Lajme nga Univesiteti:Mujë Rugova është zgjedhur Rektor i Universitetit të Prishtinës

Mujë Rugova është zgjedhur Rektor i Universitetit të Prishtinës



Mujë Rugova është zgjedhur sot Rektor i Universitetit të Prishtinës. Zgjedhja u bë nga Këshilli Drejtues i UP-së, në mesin e pesë kandidatëve për postin e lënë bosh nga ish rektori Enver Hasani i cili është zgjedhur kryetar i Gjykatës Kushtetuese. Nga 9 anëtarë të këshillit drejtues të UP-së, 8 kanë votuar për Rugovën, kurse vetëm një votë ka marrë kundër-kandidatja Myzafere Limani.
Kryetari i Këshillit Drejtues Basri Qapriqi ka thënë se qarqe të ndryshme, përfshirë edhe ato nga politika, kanë lobuar për të shtyer kandidatë të caktuar për rektor, megjithatë ai tha se anëtarët e Këshillit Drejtues e kanë dhënë votën duke u bazuar në vullnetin e tyre.

UP shpall konkurs për vitin akademik 2009-2010





Universiteti i Prishtinës në vitin e parë të studimeve, në afatin e parë të konkursit, për vitin akademik 2009 2010do të regjistrojë 10380 studentë, prej të cilëve 8765 studentë të rregullt dhe 1615 studentë me korrespondencë.
Universiteti do të regjistrojë edhe 389 studentë të rregullt nga Shqipëria, Maqedonia, Mali i Zi dhe Presheva, Medvegja, Bujanoci, si dhe 171 studentë nga minoritetet turq, boshnjak, rom, ashkali dhe egjiptian. Të drejtë konkurrimi në Universitetin e Prishtinës kanë të gjithë kandidatët të cilët e kanë përfunduar me sukses shkollën e mesme në Kosovë dhe e kanë diplomën për shkollimin e kryer. Në Universitet mund të pranohen edhe studentë nga shtetet tjera në bazë të kuotave të përcaktuara nga ana e MASHT it. Kandidatët jokosovarë dhe minoritarë kanë të drejtë që të konkurrojnë dhe të pranohen vetëm në kuotat e parapara për ta. Kandidatë jokosovarë konsiderohen ata kandidatë që e kanë mbaruar shkollimin e mesëm jashtë Kosove dhe me rastin e paraqitjes në konkurs, duhet t'i kenë të nostrifikuara dokumentet e shkollimit.