Sejdiu shkon n’deti

Sejdiu shkon n’deti





Nga Express

Presidenti i Republikës, Fatmir Sejdiu këtë të shtunë, do të nisë pushimin e tij vjetor.

“Presidenti i Republikës së Kosovës, dr. Fatmir Sejdiu, që nga dita e shtunë, 18 korrik, do të jetë disa ditë në pushim”, thuhet në një komunikatë për media të Zyrës për Informim të Presidentit të Republikës.

Në komunikatë nuk sqarohet se sa ditë dhe në cilin vend do të pushojë Shefi i Shtetit.

Madje këtë informacion nuk e ka dhënë as zëdhënësi i tij, Xhavit Beqiri.

“Presidenti, së bashku me familjen e tij, do të qëndrojë në pushim vjetor për një javë apo dhjetë ditë”, ka thënë Beqiri për Express, të premten.

Zëdhënësi i Presidencës nuk ka dashur të zbulojë vendin ku do të verojë Presidenti Sejdiu.

“Nuk e di. Ne e respektojnë privatësinë dhe sigurinë e Presidentit”, ka deklaruar Beqiri përmes telefonit.