Një raport në Londër alarmon për situatën në Kosovë

Një raport në Londër alarmon për situatën në Kosovë

Një raport i publikuar nga Instituti për Hulumtimin e Politikave Publike në Londër alarmon për situatën në Kosovë dhe për dështimet e faktorit ndërkombëtar në ndërtimin e shtetit të Kosovës.

Raporti nxjerr në pah sfidat serioze të sundimit të ligjit në veri, duke paralajmëruar si sfidë të veçantë integritetin territorial të Kosovës.
Instituti për Hulumtimin e Politikave Publike në raportin e radhës përqendrohet në veri, ku thotë se ka shumë shërbime publike të cilat janë të financuara nga Beogradi, e jo nga Prishtina.
Sipas raportit, ndikimi i Serbisë në atë pjesë të Kosovës është shumë i madh, ndërsa veriu përbën një sfidë themelore për institucionet e vendit në zbatimin e sundimit të ligjit dhe integritetit territorial të vendit.
Në raport kërkohet nga ndërkombëtarët që të jenë më të vëmendshëm në rastin e shtet ndërtimit të Kosovës. Në raport jepen edhe disa rekomandime ku tregohet se si nuk duhet të bëhen gabime tjera. "Shtet ndërtimi është detyrë fundamentale politike që kërkon vendime politike, rreth pushtetit dhe burimeve.
Ky është një problem për organizatat ndërkombëtare që veprojnë në Kosovë, si NATO, OKB, BE dhe OSBE të cilat janë të angazhuara në aktivitetet shtet formuese", thuhet të raportin e Instituti për Hulumtimin e Politikave Publike në Londër.