Vullnet Mato: S Y R I

Vullnet Mato: S Y R I







Vullnet Mato

S Y R I

Syri ynë sa një sferë e vogël me qelq të butë.
Pasqyra gjigante që vëzhgon botën gjithkund.
Mikroplaneti ynë që na rrotullohet te koka.
Fuqia vigane ku merr vrull truri dhe dora.
Fokusi i pandryshuar si afër dhe larg.
Kamera me precize dhe më e saktë.


I mahnitshmi në tejpamje, mprehtësi dhe qartësi.
Ndjeshmëria që loton në dhimbje e gazmon në lumturi.
Simboli i bukurisë së gruas dhe burrit.
Korrësi i dritës për hambarin e trurit.
Shënjestra e plumbit, sinjali i dashurisë.
Siguria e jetës dhe vjelësi i mençurisë.
Arkivi fantastik që ruan në skeda të rralla,
Pafundësi vizionesh dhe figura të gjalla.


Syri me atë gjuhën e vet të fshehtë,
flet pa zë dhe komunikimin na e bën më të lehtë.
Pa syrin jeta do të ishte vetëm natë.
Pa syrin do kishim mbetur më pak se kafshë.
Kryesori në çdo vepër të sotme e të nesërme,
I pazëvendësueshëm me asgjë më të vlefshme.

O njerëz të mirë, që aq shumë ju dua,
dritën e syrit mos e fikni për mua !...