LETTER to foreign embassies and EULEX,LETËR AMBASADAVE TË HUAJA DHE EULEX-it,

nga **Agim Gashi** Mon Jan 04, 2010 11:37 pm

Blerim Kastrati

LETTER to foreign embassies and EULEX
LETËR AMBASADAVE TË HUAJA DHE EULEX-it,

I nderuari ambasador i SHBA-ve, z. Christopher Dell, (ShalaMI@state.gov)

I nderuari shef i EULEX-it, Yves De Kermabon, (info@eulex-kosovo.eu),

I nderuari shef i ICO-së, Piter Feith, (office@ico-kos.org)

I nderuari ambasador i Gjermanisë, z. Hans-Dieter Steinbach, (info@@pris.auswaertiges-amt.de),

I nderuari ambasador i Francës, z. François-Xavier Deniau, (Adrijana.KRAJA@diplomatie.gouv.fr)

I nderuari ambasador i Italisë, z.Michele Giffoni, (segreteria.pristina@esteri.it),(msug2pristina@libero.it)

E nderuara eurodeputete Doris Pack, anëtare e parlamentit Evropian, (dpack@europarl.eu.in),

Të nderuar ambasadorë të tjerë të akredituar në Kosovë,

Tashmë ju jeni në dijeni për daljen në skenë të keqbërësve dhe autorëve të vrasjeve misterioze që nga 1999-2009 që nuk janë sqaruar në Kosovë. Moszbardhja e disa vrasjeve në Kosovë është pjesë e kancerit që do pengoj edhe më tej Kosovën për t’u integruar në Evropë. Korrupsioni, vrasjet politike, dhe keqpërdorimet që kanë ndodhur dhe po ndodhin në Kosovë janë e keqja më e madhe e këtij vendi. Dhe këto gjëra lidhen me disa politikanë të Kosovës, që janë në pushtet. Ju pyesim publikisht:”A thua se me disa nga këta politikanë Kosova mund të integrohet në Evropë?

Apo mos ndoshta qëllimisht disa nga këta politikanë përpiqen ta pengojnë integrimin e Kosovës në Evropë. Sepse Evropa nuk duron vrasje, nuk duron korrupsion, nuk duron kriminalitet. Tashmë Evropa dhe SHBA kanë dërguar EULEX-in në Kosovë, që ka për detyrë së bashku me institucionet e Kosovës të luftojë kriminalitetin, korrupsionin, të hetoj vrasjet”. A duhet që ne në Kosovë të jetojmë normalisht dhe të qetë, dhe të zhvillohemi sikurse të tjerët në Evropë?

Ne kemi një pyetje të madhe për EULEX:

EULEX TË SQAROJ VRASJET POLITIKE TË PASLUFTËS NË KOSOVË SIKURSE TË SQAROJ LIDHJEN E KADRI VESELIT DHE SHIK-UT ME NAZIM BLLACËN DHE VRASËSIT E TJERË QË ENDËN TË LIRË, OSE JANË DEKORUAR DHE JANË NË PUSHTET

Nazim Bllava tha se vet është dorasi dhe e ka vrarë spiunin e Serbisë Ibush Kllokoqin (1999) dhe ka vëzhguar spiunin tjetër Selim Broshin. Por në intervistën televizive në TV Klan Kosova u mësua se këta dy persona ishin përpunuar nga Kadri Veseli si shef i organizatës SHIK. Ky vet e shpjegoi këtë në TV. Atëherë a ka pasur lidhje logjike bashkëpunimi jo të drejtpërdrejt në mes dorasit Nazim Bllaca dhe Kadri Veseli? Kush qe urdhërdhënësi i dorasit? Kjo duhet sqaruar nga EULEX.

Blerim Kastrati (MA Shkencave Politike)

Trik spiunësh. Kjo do të duhej paralajmëruar në uverturën e emisionit të intervistës së Kadri Veselit- shef i SHIK shfaqur më 29 dhjetor, si premierë nga TV KLAN Kosova. Që në start të intervistës u publikua lidhja e ngushtë miqësore ndërmjet Kadri Veselit dhe Baton Haxhiut- ish mik i konfirmuar i Jovica Stanishiqit (ish shef i UDB-së serbe).U pa se Kadri Veseli ja paska zënë bishtin me derë Baton Haxhiut. Engjëlli, Kadri Veseli filloi të rrëfehet, dhe sigurisht foli si pjesë e një skenari të parapërgatitur për ta devijuar hetimin për rastin “Bllaca”. U përpoq t'u shiste gogla shqiptarëve. Doli në ekran, tha se i ka duart e pastërta. Sepse muajt e fundit nuk fle rehat. I është prishur qetësia. Derisa ky fliste për gjurmët, shikuesit shihnin ujkun në ekran që aktronte qengjin. Dha përshtypjen se s'ka bërë mëkate. I veshur me kostum, e pa kollare, ishte impresiv me mimikën e tij të pa sinqertë prej spiuni. I shfaqur për herë të parë duke dhënë intervistë në televizion, ishte mediokër dhe nuk u dallua për ndonjë kapacitet të thellë intelektual. Foli me një fjalor të pasur për veprimtarinë e tij patriotike, për të bëmat e tij, dha vetëlëvdata për patriotizëm që zakonisht janë stacioni i fundit i horrave. “Ndershmërinë” e tij e prezantoi dhe u promovua si politikan i së ardhmes, ose spiun zyrtarë. Na rrëfeu fabulën për të bëmat e tij prej Supermeni, a të Xhejms Bondit 007, se qe po kaq i shkathët, e qe infiltruar e depërtuar në kabinetet e Koshtunicës dhe Tadiçit në Beograd?!- Çudi! Nëse paska punuar për sigurinë kombëtare, çfarë bëri dhe përse nuk parandaloi aktivitetin e strukturave paralele serbe në Kosovë. I rrëshqiti gjuha dhe "konfirmoi" se Nazim Bllaca s'ka qenë bashkpunëtor i tij. "Konfirmoi" se Azem Syla “Daja i Madh” dhe Xhavit Haliti “Zeka” s'kanë qenë në SHIK. Padyshim se kjo intervistë do shfrytëzohet si dëshmi materiale në gjyqin “Bllaca”. Ky qe qëllimi bosht dhe prapaskena e tij e daljes publikisht në TV KLAN. Më këtë intervistë Veseli ka synuar të dëshmoj se ende është i pushtetshëm duke zënë në gojë disa herë mikun e tij Hashim Thaçin, dhe njashtu u përpoq ta heq frikën të bashkëpunëtorët e tij, nga ndonjë hetim i mundshëm policor. Dhe njëkohësisht për t'i kërcënuar ata të mos dezertojnë, të qëndrojnë në hije e mos flasin publikisht për SHIK-un. Engjëlli, Kadri Veseli bëri thirrje për zbardhjen e vrasjeve politike, sepse është i sigurt se më 24 prill 2009 janë vjedhur dëshmitë në dhomën e policisë në Prishtinë. Dha mesazhe se vazhdon të "studioj" vazhdimisht, që nënkupton se ky e vazhdon ta ushtroj zanatin e vjetër të pas kuintave. Bashkëpunëtorët e SHIK-ut si rrjetë e merimangave, tashmë brenda institucioneve janë ngritur në këmbë, dhe si një aparat i tërë shtetëror me gjithë arsenalin e tyre janë vënë në luftë kundër rastit “Bllaca” për ta devijuar nga pista e hetimeve. Në këtë luftë po marrin pjesë ministra, zëvendësministra, zyrtarë policie, deputetë, zyrtarë partiakë, spiunë, gazetarë dhe media. Dhe e tëra kjo është e orkestruar nga një dirigjent, nga SHIK. Me gjithë dirigjimin shihet një kakofoni zërash e akuzash ndaj rastit “Bllaca”, që reflekton manipulimin e rastit. Kalorësit e betejës së “Bllacës”, Gani Geci (LDD) e Adem Salihaj (LDD) kanë trembur SHIK-un, se Viti i Ri do sjellë CD të re me dëshmi për SHIK-un. S'do mend se Nazim Bllaca ka pranuar se qe pjesëtarë i SHIK-ut dhe se është kriminel. Po këtë profesion e mësoi në SHIK. Tha se vet është dorasi dhe e ka vrarë spiunin e Serbisë Ibush Kllokoqin (1999) dhe ka vëzhguar spiunin tjetër Selim Broshin. Por në intervistën televizive në TV Klan Kosova u mësua se këta dy persona ishin përpunuar nga Kadri Veseli si shef i organizatës SHIK. Ky vet e shpjegoi këtë në TV. Atëherë a ka pasur lidhje logjike bashkëpunimi jo të drejtpërdrejt në mes dorasit Nazim Bllaca dhe Kadri Veseli? Kush qe urdhërdhënësi i dorasit? Kjo duhet sqaruar nga EULEX.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31