Në Zvicër ndërroi jetë veprimtari Musë Gashi

Në Zvicër ndërroi jetë veprimtari Musë Gashi

Burimet
tona të informimit nga Gjakova, njoftuan të shtunën se sot në Zvicër ka
ndërruar jetë në moshën 54-vjeçare veprimtari shumëvjeçar për çështjen
kombëtare, Musë Gashi, nga fshati Korenicë e Gjakovës. Musë Gashi ishte
në organizime të rezistencës kombëtare prej shumë kohësh dhe në të
gjitha situatat e fundit që kaloj kombi ynë, andaj vdekja e tij për
shokët e idealit konsiderohet humbje e madhe. Në Diasporë, në periudhat
më të ndjeshme të popullit shqiptar, Musa ishte aktiv dhe shumë i
përkushtuar për ta parë Kosovën e çliruar. Ndryshe, tashmë i ndjeri
rrjedh prej një familje e cila në Masakrën e Korenicës e Mejës humbi
dhjetë anëtar të familjes dhe shumë të afërm të tjerë. Do përmendur me
këtë rast se në luftën e fundit në Kosovë vetëm nga Korenica ranë 70
martirë për Lirinë e Kosovës. Në njoftim thuhet se varrimi i të ndjerit
Musë Gashi do të bëhet nesër (e diel) më 17 janar 2009, në orën 13:00,
në varrezat e fshatit Korenicë.