Thaçi e Tadiqi u prijnë bisedimeve teknike Prishtinë-Beograd?

nga **Agim Gashi** Fri May 14, 2010 9:09 pm

Thaçi e Tadiqi u prijnë bisedimeve teknike Prishtinë-Beograd?

Prishtinë, 14 maj - Hashim Thaçi dhe Boris Tadiq do t’i drejtojnë bisedimet teknike Prishtinë-Beograd, njofton sot e përditshmja e Prishtinës, “Express”. Shtetet e Bashkuara, BE, por edhe Rusia mund të bëhen lehtësues të dialogut mes dy vendeve, shton kjo gazetë. Plani ndërkombëtar, për t’i ulur kosovarët dhe serbët në një tavolinë, parasheh që bisedimet të nisin me një takim të nivelit të lartë, e të vazhdojnë në kuadër të grupeve punuese.

Thaçi dhe Tadiq - si udhëheqës më të rëndësishëm në vendet e tyre - do të drejtojnë serinë e re të negociatave, përmes të cilave synohet të tejkalohen një sërë çështjesh që mbajnë të bllokuar bashkëpunimin mes Kosovës dhe Serbisë.

Burime të “Expressit” thonë se pas konsultimeve të shumta me faktorë ndërkombëtarë, kryeministri i Kosovës, ashtu sikurse edhe presidenti i Serbisë, kanë pranuar ofertën që të jenë në krye të këtyre bisedimeve.

“Kryeministri Thaçi dhe Presidenti Tadiq, duke pranuar që të jenë në krye të delegacioneve të shteteve të tyre, kanë zgjidhur një prej modaliteteve më të rëndësishme të negociatave teknike mes Prishtinës dhe Beogradit”, ka thënë për “Expressin” një zyrtar i lartë ndërkombëtar, në kushte anonimiteti.

Qeveria e Kosovës është shprehur e gatshme të bisedojë në çdo kohë dhe për të gjitha çështjet, përveç për statusin politik dhe integritetin territorial. I vetmi kusht i Prishtinës është që të jetë pjesëmarrëse në nivel të barabartë me Serbinë.

Pavarësisht gatishmërisë së Prishtinës dhe një pjese të bashkësisë ndërkombëtare për fillim sa më të shpejtë të bisedimeve për çështje teknike, Beogradi nuk është i gatshëm dhe nuk ka gjasa të pranojë të hyjë në këtë proces para publikimit të opinionit të GJND-së, shkruan kjo gazetë.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31