Kolec Traboini: Tradhti me emrin paqe

nga **Agim Gashi** Fri Nov 19, 2010 3:41 am

KOLEC TRABOINI

TRADHTI ME EMRIN PAQE

Komandant Teli dhe pesë luftëtarë shqiptarë u ekzekutuan

në Shkup me 7 gusht 2001, tre ditë pas marrëveshjes së Ohrit.

( vidio: https://www.youtube.com/watch?v=V4PhyPl5pQc )

Për ty Komandant konfiguruan një qeli

të vogël sa frymëmarrja e një gjoksi

të madhe sa vetë jeta, ku nxitonin të prangonin

spiunët e katër shteteve.

Ballkani ishte i nxehtë, përvëlonte

shqiptari ish në tokën e vet, por pa qiell ish ai

e shqiponjat pa qiell nuk kish si fluturonin

veç mbi një grusht male diku në Shqipëri.

Ishte koha e krismave, e çmendurisë së verës

kohë ku nuk mund t'i shmangeshe betejës

që nisi në pranverë me gjethet

e që të mbaronte, kërkonte fli jetën tënde.

Shefat e luftës një ditë u lodhën, u sosi durimi

ju erdhi koha të hidhnin firmat për paqe

në Ohër dy gjëra u panë të panevojshme

luftëtarët dhe armët.

Kujt i duhen armët kur nuk ka luftë

kur nuk ka luftë braktisen luftëtarët

ashtu siç kur plaken pushkatohen kuajt

heronjt duhen vrarë në ditën e parë të paqës.

Shefat e luftës ngrinin dolli me shampanjë

Europa i këndëllte plot miradi përjashta

tradhtia varroste heronjtë në dheun e zi...

të raskapitur djemt e UÇK-së ktheheshin në vatra.

Ju që derdhet gjak, s'ju mbet, veç të thurni këngë

për shefat e luftës që sot bëjnë bisnes-politikë të madhe.

Tani që djemt më të mirë të këtij kombi i humbët

Merreni dhe ushqehuni si mjeranë me këtë fuck paqe!

2010

http://traboini-antologji.blogspot.com/

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31