Suspendohen dy zyrtarë policorë në Kosovë

nga **Agim Gashi** Tue Apr 26, 2011 12:08 am

Suspendohen dy zyrtarë policorë në Kosovë

Një rreshter dhe një zyrtar tjetër policor të Kosovës janë suspenduar nga puna me urdhër të Drejtorit të Përgjitshëm të Policisë së Kosovës, Reshat Maliqi, ka konfirmuar për Radion Evropa e Lirë, zëdhënësi i Policisë kosovare, Baki Kelani.

“Në bazë të rekomandimeve të dala nga Standardet Profesionale të Policisë së Kosovës dhe vlerësimet e Komisionit për Përdorim të forcës, Drejtori i Përgjithshëm, ka marrë vendim që të suspendohet Rreshteri, Faruk Cetinaj dhe zyrtari policor, Bekim Maliqi”, ka thënë Kelani.

Fjala është për hetimet e brendshme policore që kanë nisur pas ndërhyrjes së Policisë së Kosovës kundër tifozëve të ekipit basketbollistik të kryeqytetit, Plisat, ndërhyrje kjo që ndodhi pas ndeshjes mes Prishtinës dhe ekipit serb, Bambi.

Kelani tha se “rreshteri Cetinaj është suspenduar për lëshime dhe mos koordinim gjatë menaxhimit të situatës, ndërsa polici Maliqi për tejkalim të autorizimit të përdorimit të sprejit policor”.

Kelani i tha Radios Evropa e Lirë se edhe pesë pjesëtarë të tjerë të Policisë së Kosovës, ku përfshihen pjesëtarë shqiptarë, serbë, boshnjak dhe goranë, po hetohen për përdorim të forcës.

Rasti i përleshjes mes forcave policore dhe tifozëve kryeqytetas janë cilësuar si shkaktim i rrezikut të përgjithshëm dhe për këtë arsye, si tifozat e Prishtinës njejtë edhe pjesëtarët e policisë po hetohen në të njejtën kohë edhe nga Prokuroria e Kosovës.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31