MPJ: Dy shqiptarë në tragjedinë e Norvegjisë

nga **Agim Gashi** Tue Jul 26, 2011 1:57 am

MPJ: Dy shqiptarë në tragjedinë e Norvegjisë

MPJ: Dy shqiptarë në tragjedinë e Norvegjisë LEJLA-SELACI231

Ministria e Punëve të Jashtme e Kosovës ka konfirmuar se Lejla Selaci është në mesin e të zhdukurve, në tragjedinë që ndodhi të premten në Norvegji.

Në momentin e shpërthimit të bombës, 17-vjeçarja me prejardhje nga Vushtrria, ishte në një delegacion në Konventën e të Rinjve në ishullin Utoya.

Konfirmimi zyrtar i është bërë ambasadorit të Republikës së Kosovës në Suedi, Lulzim Peci, nga autoritetet norvegjeze, ka bërë të ditur për mediet, Artan Behrami, zëdhënës i Ministrisë së Punëve të Jashtme (MPJ).

Lejla Selaci kishte nënshtetësi norvegjeze. Ajo jetonte me familjen në qytetin Fredrikstad, ndërsa vijonte mësimet në shkollën “Borge Ungdomsskole”

Ndërkohë familja Selaci në Vushtrri është shokuar kur ka dëgjuar për tragjedinë në Norvegji. Dhimbjet e tyre i ka shtuar edhe më shumë zhdukja e Leja Selacit.

Në kampin e të rinjve në ishullin Utoya ndodhej edhe një i ri tjetër kosovar, i cili ka shpëtuar.

“Egzon Belegu ka marrë lëndime shumë të lehta”, ka thënë Behrami.

Ambasadori Peci thuhet se është në kontakt të vazhdueshëm me dy familjet kosovare, me qëndrim në Norvegji, të prekura nga kjo tragjedi.

MPJ: Dy shqiptarë në tragjedinë e Norvegjisë Lutje_lejla

MPJ: Dy shqiptarë në tragjedinë e Norvegjisë Lutje_lejla

Shokët e shkollës Borge ungdomsskole në qytetin Fredikstad, kanë ndezur qirinj para shkollës dhe po luten për fatin e saj

>> Shqiptarja e zhdukur, policia ende pa informata >> Komente

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31