Formohet njësia policore me shumicë serbe

nga **Agim Gashi** Thu Nov 08, 2012 12:35 pm

Formohet njësia policore me shumicë serbe

Në Bruksel ka përfunduar takimi i dytë i kryeministrit të Kosovës Hashim Thaçi dhe atij serb, Ivica Daçiq, në prani të përfaqësueses së lartë për Politikë të Jashtme dhe Siguri, të BE-së, Ketrin Eshton.

Eshton, paraprakisht ka pasur takime të ndara me të dy kryeministrat. Fillimisht me Daçiqin e më pas edhe më Thaçin, përderisa më pas ka filluar takimi i përbashkët, siç është quajtur darkë pune.

Në takim është diskutuar edhe për gjendjen në veri dhe mundësitë e gjetjes së një konsensusi për atë pjesë të vendit.

Edhe pse ende nuk ka pasur prononcime zyrtare, nga zyra e baroneshës Eshton raportohet se atmosfera kësaj radhe ka qenë më pozitive dhe konstruktive.

Është arritur pajtueshmëria e palëve për fillimin e implementimit të marrëveshjeve të arritura gjatë dialogut teknik, e sidomos asaj për menagjimin e integruar të kufirit.

“Ka pajtueshmëri që në dhjetor të filloj implementimi i marrëveshjeve të arritura deri më tani kështu që ekipet teknike do të nisin angazhimin e tyre në mënyrë që gjendja në teren të ndryshoj, e sidomos në veri”, ka thënë kryeministri i Kosovës, Hashim Thaçi, për televizionin publik të Kosovës. Sipas tij, është kërkuar bërja transparente e financimit të strukturave paralele nga Serbnia në Kosovë dhe ndalimi i kësaj praktike.

Daçiqi menjëherë pas takimit, për mediat serbe, ka deklaruar se takimi ka qenë mjaft i gjatë dhe se ai ishte vazhdim i dialogut të filluar para disa javësh.

“Bisedimet ishin neutrale përsa i përket statusit dhe temat ishin gjetja e modaliteteve se si, ajo që është arritur, të zbatohet”, ka thënë Daçiq.

Ai ka paralajmëruar që takimi i radhës me Thaçin do të ndodh në fillim të dhjetorit.

Edhe kryeministri serb ka deklaruar se gjatë takimit të sontëm është biseduar për marrëveshjet e arritura dhe përmirësimit të jetës së qytetarëve në Kosovës si dhe për kompetencat ekzekutive të EULEX-it në veri. Sipas tij, është arritur pajtimi që gjatë muajit të ardhshëm të filloj zbatimi i marrëveshjes, siç e ka quajtur ai për vendklaimet administrative.

Daçiq ka thënë se nga kryeministri Thaçi ka marrë premtime se do të formohet një njësi policore, me përbërje shumicë serbe, e cila do t’i ruaj manastiret serbe. Po, sipas tij, është folur edhe për autostradën Nish-Prishtinë.

“Ky ishte një takim i mirë dhe i dobishëm dhe mendojë se kemi bërë disa hapa përpara”, ka thënë Daçiq.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31