Xhabir Hamiti i rrezikuar, policia urdhëron përcjelljen e tij

nga **Agim Gashi** Thu Aug 29, 2013 9:29 pm

Prishtinë, 29 gusht - Policia e Kosovës i ka lëshuar sot urdhëresë Bashkësisë Islame të Kosovës, për t’i siguruar transport ish-kryetarit të Këshillit të BIK-ut, të cilin e kanë shkarkuar vetë zyrtarët e këtij institucioni ditë më parë, Xhabir Hamiti, për shkak të rrezikut që ky i fundit ka nga kërcënimet.

Dokumentin e policisë gazeta “Zëri” e ka siguruar nga burimet brenda Bashkësisë Islame të Kosovës, ku thuhet se Njësia për Vlerësimin e Kërcënimit/Rrezikut ka përfunduar raportin e vlerësimit të rrezikshmërisë, dhe BIK duhet t’u përmbahet këtyre rekomandimeve të bëra nga njësia përkatëse. “Z. Xhabir Hamitit’i sigurohet transporti nga vendbanimi i tij deri në punë dhe anasjelltas nga institucioni ku ai punon deri në përfundimin e rastit të tij”, shkruan në urdhëresën e Policisë së Kosovës drejtuar BIK-ut. Ky dokument i ka shkuar sot Bashkësisë Islame të Kosovës, e cila çdo ditë me veturat e myftiut Naim Tërrnava, duhet t’i sigurohet transporti Hamitit.

Ditë më parë ai është kërcënuar nga individë të paidentifikuar. Reagimet janë shtuar pas shkarkimit që i është bërë Hamitit nga posti i kryetari të Kuvendit të BIK-ut. Ky i fundit ka kundërshtuar ashpër krahun e Naim Tërrnavës.

Tashmë brenda Bashkësisë Islame të Kosovës (BIK) kanë dalë haptazi dy klane, ajo e Myfiut Naim Tërrnava, i cili e ka mbështetjen edhe të partisë islamike LISBA, në krye me Fuad Ramiqin, dhe krahu i Xhabir Hamitit, i cili ka pas vetes një grup imamësh, të cilët kritikojnë ashpër për keqpërdorim të pozitës myftiun Tërrnava.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31