Arafati ishte helmuar me polonium?!

nga **Agim Gashi** Wed Nov 06, 2013 8:53 pm

Dyshimet se Yasser Arafati është helmuar, po shtohen çdo herë e më shumë. Shkencëtarët zviceranë zbuluan nivele të larta të poloniumit radioaktiv në mbetjet e zhvarrosura të Arafatit.

Është e mundur që lideri shumëvjeçar i palestinezëve, të jetë helmuar me poloniumin 210, shkruan The Lancet, revistë kjo britanike që solli rezultatet e hulumtimit të shkencëtarëve zviceranë.
Shkencëtarët e Universitetit të Lozanës analizuar njollat e gjakut, urinës dhe pështymës mbi rrobat e Arafatit dhe një furçë dhëmbësh, ku gjetën nivele të larta të elementit radioaktiv.
Hulumtuesit vendosën të hetojnë rrethanat e vdekjes së tij të iniciuar nga Al Jazeera, për çka trupi i tij u zhvarros në nëntor 2012.
"Mund të konfirmoj se kemi matur nivele të larta e të pashpjeguara të poloniumit 210 në gjësendet e tij personale, që përmbanin njolla të lëngjeve dhe sekrecioneve biologjike”, tha Francois Bochud, drejtor i Institutit për Radiofizikë në Lozanë .
Arafat u sëmurë në tetor 2004. Simptomat kanë qenë të shumta, duke filluar nga mundimet deri te dhimbjet në bark. Brenda disa javësh gjendja e tij ishte përkeqësuar, për çka nga Ramallahu u transferua në spitalin Percy në Francë. Por, situata përkeqësohej, për çka pati bllokim të veshkave dhe komë neurologjike . Ai vdiq më 4 nëntor 2004 nga një hemorragji cerebrale, në moshën 75 vjeçare.
Përkundër disa testeve shkencore të kryera menjëherë pas vdekjes, nuk kishte prova të helmimit, kështu që shkaku i vdekjes mbeti i panjohur. /Telegrafi/

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31