Imami i arrestuar Ekrem Avdiu, fqinj i Kadri Veselit

nga **Agim Gashi** Thu Sep 18, 2014 2:23 pm

Njëri prej 15 imamëve të arrestuar të mërkurën, nga Policia e Kosovës, si të dyshuar për nxitje të urrejtjes ndërfetare dhe përçarjes kombëtare, që bie ndesh me rendin kushtetues të Republikës së Kosovës, Hoxha Ekrem Avdiu, është nga fshati Broboniq, i komunës së Mitrovicës dhe i afërm i nënkryetarit të Partisë Demokratike të Kosovës, Kadri Veseli.
Avdiu njihet edhe si përkrahës i PDK-së, pasi gjatë gjithë kohës së zgjedhjeve e ftonte xhematin që ta votonin PDK-në.
Ekrem Avdiu, i lindur më 18 Korrik të vitit 1971, në qytetin e Mitrovicës, aktualisht imam dhe ligjërues në xhaminë e lagjes 'Tavnik' dhe është anëtarë i Këshillit të Bashkësisë Islame të Mitrovicës.