SKANDALOZE: Isa Mustafa u hakmerret shpejt atyre që nuk e votuan

nga **Agim Gashi** Thu Dec 11, 2014 11:55 pm

SKANDALOZE: Isa Mustafa u hakmerret shpejt atyre që nuk e votuan

Lideri i Lidhjes Demokratike të Kosovës, njëherësh edhe kryeministri i ri i Kosovës, Isa Mustafa pa kaluar mirë 48 orë, ka arritur që t’u hakmerret deputetëve që e votuan kundër. Asnjë nga deputetët që votuan kundër apo e abstenuan Isa Mustafën, nuk janë emëruar për kryesues të komisioneve të Komisioneve parlamentare.
Një burim brenda Lidhjes Demokratike të Kosovës ka thënë se kjo është hakmarrja e parë e Isa Mustafës ndaj atyre që e votuan kundër dhe që e abstenuan.
“Ka pasur deputetë shumë më të përgatitur për kryesimin e Komisioneve Parlamentare, sesa ata që janë emëruar. Ta zëmë Teuta Rugova, pa asnjë ditë përvojë është emëruar nënkryesuese e një prej komisioneve më të rëndësishme parlamentar- pra komisionit për Punë të Jashtme”, ka thënë ky burim.
Vjosa Osmani, Doruntinë Maloku, Anton Quni, Arben Gashi, Armend Zemaj, Alma Lama e Fatmir Rexhepi janë lënë jashtë “loje” sa i përket kryesimit të Komisioneve Parlamentare.
Ndërkaq, ata që e mbështetën koalicionin me PDK-në dhe që i dhanë mbështetje Mustafës, ai i ka shpërblyer.
Komisioni për Buxhet dhe Financa do të kryesohet nga Naser Osmani, Komisioni për Integrime Europiane nga Teuta Sahatqija, Komisioni për Drejtat e njeriut, barazi gjinore, persona të pagjetur dhe peticione, do të udheheqet nga Lirije Kajtazi, Komisioni për Zhvillim Ekonomik, Infrastrukturë dhe Telekomunikacion nga Muhamet Mustafa, kurse Teuta Rugova do të jetë Nën-Kryesuese e Komisionit për Politike të Jashtme.
Lideri i LDK-së, Isa Mustafës edhe ditën kur u zgjedh kryeministër nga foltorja e Kuvendit ka shpërthyer ndaj këtyre deputetëve që e votuan kundër dhe që e abstenuan. Mustafa deri sa i ka falënderuar të gjithë deputetët që votuan për, kundër dhe që abstenuan, ka thënë se kjo nuk vlen edhe për deputetët e LDK-së./ Gazeta Blic

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31