Shemsi Gashi është polici i vrarë në Prishtinë, ja arsyet e vrasjes. Arrestohen tre të dyshuar (Foto)

nga **Agim Gashi** Wed Mar 25, 2015 1:41 pm

Shemsi Gashi është polici i vrarë në Prishtinë, ja arsyet e vrasjes. Arrestohen tre të dyshuar (Foto)

(I plotësuar) Burime të "Bota sot" konfirmojnë se Shemsi Gashi nga Matiçani ka pasur probleme pronësore me të afërmit e tij prej një kohe të gjatë. Dyshohet se ky mund të jetë edhe motivi i vrasjes. I ndjeri ka lënë pas vetëm gruan./V.M.

Arrestohen tre të dyshuar

Tre të dyshuar janë shoqëruar në stacionin policor ndërsa policia po e bastisë një shtëpi në Mati 1 e cila besohet se është e disa të afërmve të viktimës.
Polici i vrarë është Shemsi Gashi, i cili ka punuar si hetues në Njësitin e Krimeve Ekonomike në Prishtinë.

Shemsi Gashi është polici i vrarë në Prishtinë

Shemsi Gashi, 61 vjeçar është polici i vrarë sot në Prishtinë. Këtë për KosovaPress, e ka konfirmuar njëri prej kushërinjve të viktimës i cili ka qenë në vendin e ngjarjes.
Dëshmitarët tjerë që kanë qenë në vendin e ngjarjes nuk kanë dashur të flasin para kamerës por kanë treguar se në orën 07:00 të mëngjesit kanë dëgjuar të shtëna armësh.
Për viktimën thonë se ka qenë duke shkuar në punë.
Merret vesh se Gashi ka qenë duke punuar në departamentin e Kriminalistikës në Policinë e Kosovës.

Vritet një polic i Kosovës

Policia e Kosovës ka marrë informatën se në rrugën “Isa Kastrati” te Mileniumi i Tretë në lagjen ‘Mati 1’ të Prishtinës rreth orës 7 të mëngjesit ka pasur të shtëna armësh.
SH.G ishte pjesëtar i njësitit të hetimeve i Policisë së Kosovës.
Viktima ishte oficer i lartë për hetimin e krimeve ekonomike.
Burime thonë se vrasja e tij mund të ketë lidhje me punën e tij në luftimin e korrupsionit dhe krimeve ekonomike.
Policia e Kosovës ka dalë në vendin e ngjarjes dhe nga ty është konfirmuar se gjendet një person pa shenja jete.
Këtë për kp e ka konfirmuar zyrtari për informim i Policisë së Kosovës Daut Hoxha.
Ndërsa mësohet se i njëjti është pjesëtar i policisë së Kosovë.

[url=http://www.botasot.info/reklama/Shemsi Gashi1.jpg][/url]
[url=http://www.botasot.info/reklama/Shemsi Gashi2.jpg][/url]

Mon	Tue	Wed	Thu	Fri	Sat	Sun
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30