Mustafa: Edhe ju në Vetëvendosje e keni një SHIK

nga **Agim Gashi** Thu Apr 16, 2015 1:12 pm

Mustafa: Edhe ju në Vetëvendosje e keni një SHIK

Foto Bota sot

- Kryeministri i Kosovës Isa Mustafa i është përgjigjur kryetarit të Lëvizjes Vetëvendosje Visar Ymerit rreth dosjeve që ky i fundit ia përmendi dosjet e Komunës së Prishtinës.
Mustafa, tha se është i gatshëm që të përgjigjet për secilën dosje që kryetari i tanishëm i komunës së Prishtinës ka nisur për gjykatë.
Por Mustafa, iu kthye edhe Visar Ymerit, i cili e quajti lëvizjen e tij jo të pastër. Madje, tha që edhe Vetëvendosje e ka një far SHIK-u.
Mustafa u kërkoi Lëvizjes Vetëvendosje që të krijojnë një komision të përbashkët dhe të hetohen edhe SHIK-u i Kadri Veselit por edhe ai i Vetëvendosjes.
“Unë e barti çdo përgjegjësi, por edhe ju duhet ta bartni përgjegjësinë dhe t’u tregoni qytetarëve për protestat dhe për SHIK-un e juaj. Është mirë që me ja u bë një komision edhe SHIK-ut të Vetëvendosjes. Njerëzve që po u veni kamera. Edhe krejt bashkë po i shtimë me një pako dhe po i hetojmë të gjitha SHIK-ët”, tha Mustafa./KosovaPress/

Berisha: Shtetin e keni bë pronë private

Zafir Berisha në emër të Nismës ka deklaruar se Kosova ka krizë morale që vjen si rezultat i atyre që shtetin e kanë bërë pronë private.
“Gjykata kushtetuese i shërben politikës, kurse prokuroria është bërë teatër tragjiko - komik, duke dështuar nga njësitë parapolitike që kanë sjellë si rezultat Gjykatën Speciale që do të gjykojë luftën e drejt të UÇK-së”, ka thënë ai.
Ai tha se ZRrE-ja e ka humbur rrugën në oborr sepse është duke i shërbyer KEDS-it dhe jo qytetarëve.

Thaçi: Opozita pa alternativë

Zëvendës kryeministri i Kosovës, Hashim Thaçi, ka thënë se opozita nuk është duke ofruar alternativ me protesta. Ai ka thënë se kështu zor se mund të vini në pushtet, duke iu referuar opozitës.
“Unë vetëm dua ta fuqizoj atë që dje kam deklaruar dhe natyrisht e rifuqizoj atë që kanë deklaruar. Derisa nuk prezanton alternativ, aq më larg pushtetit jeni. Nuk është se nuk e kam provuar opozitën, por unë kam dhënë alternativ dhe kam fituar. Në interes të shtetit është që ju me ndryshu, sepse natyrisht ne dëshirojmë që ju të vazhdoni kështu, por nuk është alternativ”.
Thaçi po ashtu ka folur edhe për sulmin që po iu bëhet institucioneve nga opozita.
“Synimi për ti goditur institucionet e Kosovës është i papranueshëm dhe i pa lejueshëm. Po ashtu ju synoni të cenoni dhe sulmoni investitorët privat. Mund të imagjinoni ju si do reflektonte kjo, por mund të imagjinoni sulmin ndaj bankave, ato nuk do t’i ulin kamatat me ato sjelljet e dhunshme. Unë do të theksoj një fakt, me pas mundësi krejt falas jau japin qytetareve rrymën, por rrymën e paguajnë të parafundit më të lirë në Evropë. Në anën tjetër, ju merrni edhe me mediume, unë vetëm dua t’iu them diçka. Vetëm një nga liderët e opozitës i ka 12 anëtarë të familjes të punësuar në RTK. Pretendimet tuaja për protestë, ne i respektojmë të drejtat e juaja, nuk ka vend që nuk duhet të protestohet dhe çdo herë ka pasur shkas të protestohet. Shikoni ato aksionet resprezive brenda partive të juaja pasatja folni”, ka thënë Thaçi.

Lekaj: Qeveria po mundohet të minimizon turpin

Në seancën e sotme të Kuvendit, Pal Lekaj nga AAK-ja, ka deklaruar se Qeveria e Kosovës në momentin që vepron turpshëm duke sjellë Gjykatën Speciale, mundohet ta minimizojë turpin duke thënë se do ta padisin Serbinë për krime lufte.
Ai tha se për 15 vite Qeveria ka dështuar në adresimin e krimeve të luftës nga Serbia.
“Ku është rezoluta, po mashtroni pasi qytetarët duke vepruar turpshëm mundoheni të minimizoni.

Çfarë qëndrimi ka Isa Mustafa për SHIK-un, pyet Visar Ymeri

Kryetari i Lëvizjes Vetëvendosje Visar Ymeri, i ka parashtruar një pyetje sot kryeministrit të Kosovës Isa Mustafa, rreth qëndrimeve që ky i fundit ka për SHIK-un.
“A e keni qëndrimin e njëjtë për SHIK-un si e keni pasur për vitin 2009”, ishte pyetja e Visar Ymerit gjatë seancës së sotme të Kuvendit.
Ndërsa në anën tjetër akuzoi atë për kapje të shtetit.
“Ty normal se nuk kanë çka me të bo 700 dosje se e keni kap shtetin. Sami Hamiti i ka fsheh faktet edhe në EULEX. E pikërisht për këtë nuk kemi se çka me ju bo”, tha Ymeri.

Çeku propozon Ministri të Veteranëve

Në seancën e sotme të Kuvendit të Kosovës para deputetëve ka folur kryetari i Komisionit për njohjen dhe verifikimin e statusit të veteranëve, invalidëve, pjesëtarëve dhe të internuarve të UÇK-së, Agim Çeku.
Ky i fundit shpjegoi të gjithë punën e këtij procesi, duke thënë se vlerave të luftës qeveria i ka kushtuar rëndësi të veçantë.
Madje Çeku kërkoi ministri për ruajtjen e vlerave të luftës.
Në këtë proces Çeku tha po ashtu se nuk ka pasur ndërhyrje politike.
“Kam pasur dy takime me kryeministrin e mëhershëm Hashim Thaçi dhe dy takime tjera me kryeministrin e tanishëm Isa Mustafa. Dua ta theksoj se asnjëherë në takime nuk kam vërejtur ndonjë fakt me agjendë politike dhe ky proces është plotësisht i zhveshur nga politika”, tha Çeku.
Para deputetëve Agim Çeku, apeloi që pas përfundimit të procesit qeveria të shpejtoj punën dhe realizimin e dokumenteve të nevojshme që veteranët dhe kategoritë e dala nga lufta të marrin të drejtat e tyre.
Ai, pranoi që në këtë proces ka shumë të pakënaqur dhe shumë ankesa, por që të gjitha sipas tij do të marrin përgjigje. Por Çeku fajësoi komandantet e zonave dhe jo komisionin që udhëheq ai për gabimet nëpër lista.
“Pas daljes së listës përfundimtare prapë do të vazhdojë procesi. Për gabime dhe personat që kanë mbetur jashtë listave, apo është futur dikush pa qenë fare në luftë nuk është gabim i joni por i komandantëve të atyre zonave”, tha Çeku.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31