Ardian Nikolla:Refuzohet kërkesa e Sylë Hoxhës, që t’i njihet e drejta e ish zyrtarit të lartë shtetëror

nga **Agim Gashi** Fri Sep 11, 2015 6:55 pm

Ardian Nikolla:Refuzohet kërkesa e Sylë Hoxhës, që t’i njihet e drejta e ish zyrtarit të lartë shtetëror

Këshilli Prokuroria i Kosovës në mbledhjen e radhës ka refuzuar kërkesën e ish ushtruesit të detyrës së Kryeprokurorit të Kosovës Sylë Hoxha, që t’i njihet e drejta për përfitim e ish zyrtarit të lartë shtetëror.
Në mbledhjen e sotme u themeluan edhe disa komisione si ai Disiplinor, komisioni për Integrime Evropiane, grupi punues për hartimin e strategjive dhe planeve të veprimit për ngritën e efikasitetit të sistemit prokurorial, po ashtu Këshilli bëri edhe emërimin e dy prokuroreve nga ana e Eulex-it në Prokurorinë e Shtetit, si dhe u bë raportimi për mekanizim përcjellës dhe gjeografinë kriminale në kuadër të sistemit prokurorial të Kosovës .
KPK-ja, ka marr vendim që të mos i njihet e drejta për përfitim e ish zyrtarit të lartë shtetëror ish ushtruesit të detyrës së Kryeprokurorit Sylë Hoxha, me arsyetimin që ligji e precizon qartë së kush nga bartësit e institucioneve të vendit e gëzojnë një privilegj të tillë.
“Kryeprokurorin e shtetit e zgjedh dhe e dekreton Presidentja e vendit, ndërsa u.d i Kryeprokurorit është zgjedhur nga ana e Këshillit Prokurorial deri në zgjedhjen e Kryeprokurorit të ri të shtetit, dhe si i tillë ai nuk është dekretuar nga Presidentja e vendit, andaj ish u.d i detyrës nuk i takojnë privilegjet e ish zyrtarit të lartë shtetëror”, kanë thënë shumica e anëtarëve të Këshillit Prokurorial të Kosovës.
Ndër pikat e rendit të ditës ishin edhe zgjedhja e anëtareve të komisionit Disiplinore, atij për Integrime Evropiane, zgjedhja e anëtarëve të grupit punues për hartimin e strategjive dhe planeve të veprimit për ngritjen dhe efikasitetit në sistemin prokurorial, si dhe emërimi i prokurorëve të Eulex-it në kuadër të sistemit prokurorial të Kosovës.
Në komisionin Disiplinor nga radhët e Këshillit Prokurorial është zgjidhur Idain Smajili, nga Zyra e Prokurorisë së Shtetit Sevdije Morina, si dhe nga Zyra e Prokurorit të Apelit Sabri Ademi.
Ndërsa në komisionin për Integrime Evropiane i cili funksion në kuadër të Këshillit Prokurorial janë zgjedhur Kujtim Munishi, Lavdim Krasniqi dhe Liridona Kozmaqi. Mandati i këtij komisioni është i përkohësh.
Në grupin punës për hartimin e strategjive dhe planeve të veprimit për ngritjen e efikasitetit në sistemin prokurorial janë zgjedhur, Shqipdon Fazliu si kryetar i grupit, Kujtim Munishi, Admir Shala, Naser Hasani, Besim Kusari dhe Lavdim Krasniqi si anëtar të këtij.
Në raportin e mekanizmit përcjellës dhe gjeografisë kriminale që përfshinë periudhën janar – qershor 2015, u theksuan të gjeturat në këtë raport, në mënyrë decidive u tregua për lëndët e trashëguara, ato që kanë ardhur dhe ato që janë në punë në të gjithë sistemin prokurorial si në Prokuroritë Themelore, ato të apelit dhe Prokuroria Speciale.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31