Synimet e veprimtarisë së artit letrar për vitin 2016...

nga **Agim Gashi** Sun Dec 27, 2015 11:18 pm

Të paraqitura në Përmbyllje të veprimtarive letrare për vitin 2015, më 26 dhjetor 2015, në ambientet e restorant “MBRETI” – it, në fshatin Lladovë, ku u plotësua Këshilli Drejtues i Ars Clubit “Beqir Musliu edhe me katër anëtarë të rinj (Fatushe Haliti, Zija Idrizi, Gjylshen Berisha e Lirijon Kadriu) si dhe u propozua Kryesia e re prej 11 anëtarësh anëtarët e rinj të Ars Clubit “Beqir Musliu”, si dhe anëtarët e Nderit të këtij asociacioni shkrimtarësh me seli në Gjilan, të cilët formalisht do të miratohen dhe nga Këshilli Drejtues ku do zgjidhet dhe Kryetari, Nënkryetari dhe sekretari i Ars Clubit “Beqir Musliu” për mandatin vijues katërvjeçar.
Për vitin 2016, mbesin të zhvillohen dhe përsosen mëtutje veprimtaritë tona tashmë që kanë krijuar identitet kulturor e letrar: Çmimi letrar “Beqir Musliu”, “Trekëndëshi poetik i paqës”, “Vjeshta letrare e Gjilanit”. Ruajtja dhe krijimi i urave lidhëse letrare me klube shkrimtarësh e vendesh të ndyrshme.
Afrimi, afirmimi, shpërfaqja dhe përurimi i vlerave të mirëfillta letrare. Bashkëpunimi dhe bashkëpjesmarrja në manifestime të mëhershme që tashmë kanë një traditë të gjatë si “Flaka e Janarit”, “Takimet e Dom Mikelit”, “Muza e Agimit” ,”Takimet letrare të Karadakut”, “Flakadani i Karadakut” , “Pranvera poetike durrësake” e, “Trirema poetike e Jonit” etj. Revista letrare – kulturore “AGMIA” si dhe botimet letrare përmes Shtëpisë Botuese “Beqir Musliu”.
Viti 2016-t, shënon dhe 20 vjetorin e shkuarjes në amshim të emblemës sonë të Klubit e të modernitetit shqiptar, Beqir Musliut, të cilin do ta shënohet me një serë veprimtarishë letrare-artistike.
Kështu, Këshilli drejtues i Ars Clubit “BEQIR MUSLIU” tash e tutje do të jetë ky: Nazmi Musa, Fatushe Haliti, Ilmi Musliu, Sadete Tërnava – Osmani, Gjylshen Berisha, Zija Idrizi, Lirijon Kadriu. Ndërsa, Kryesia e re e Ars Clubit “BEQIR MUSLIU” do të jetë me këta kandidatë: Nexhat Rexha, Albina Idrizi, Rrahim Sadiku, Ramadan Mehmeti, Naxhije Gashani, Tahir Arifi, Sarë Gjergji, Arsim Halili, Linditë Ramushi – Dushku, Muhamet Halili dhe Sabit Rrustemi, organizator dhe udhëheqës i gjer tanishëm, i cili, në përmbyllje të këtij manifestimi kulturor të “Vjeshtës letrare...”, tha se do të zotohemi të punojmë edhe më shumë se gjer më tani.

T. Selimi

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31