Kosova argumenton pavaresine para Gjykates Nderkombetare

Kosova argumenton pavaresine para Gjykates Nderkombetare

17.07.2009
Kosova të premten pasdite ka dorëzuar deklaratën e dytë me shkrim, prej 150 faqesh, në Gjykatën Ndërkombëtare të Drejtësisë, e bindur se në fund mendimi këshilldhënësh mbi ligjshmërinë e shpalljes së pavarësisë, do të ...
... jenë në anën e argmenteve të fuqishme që ka dorëzuar ekipi mbrojtës i Kosovës. Gjykata Ndërkombëtare e Drejtësisë ka vendosur, që të ketë seanca dëgjimore dhe pala kosovare është shprehur e gatshme për të marrë pjesë në to. Me kërkesë të Serbisë, Asambleja e Përgjithshme e Kombeve të Bashkuara në vjeshtë të vitit të kaluar ka kërkuar nga Gjykata Ndërkombëtare e Drejtësisë që të japë një mendim këshilldhënës mbi ligjshmërinë e shpalljes së pavarësisë nga institucionet e Kosovës, më 17 shkurt të vitit 2008.
“Besimi ynë mbështetet në fuqinë e argumenteve të Kosovës, në fuqinë e ligjshmërinë së pavarësisë së Kosovës. Në të drejtën e Kosovës për të qenë e lirë dhe e pavarur pas dekadave të të qenit nën okupim, nën shtypje të egër dhe këto janë ato argumente të fuqishme të cilat i japin të drejtë të ligjshme çdo populli, çdo entiteti, të kërkojë të jetë i pavarur, të jetë i lirë dhe kjo nuk mund të kontestohet”, thotë Skender Hyseni, ministri kosovar i Punëve të Jashtme