Imzot Gjergji: Besimtarët të festojnë Krishtlindjet në Kosovën tonë të lirë dhe të pavaruar

Imzot Gjergji: Besimtarët të festojnë Krishtlindjet në Kosovën tonë të lirë dhe të pavarur

Prizren, 23 dhjetor - Me rastin e festës së Krishtlindjeve, Ipeshkvi i Kosovës imzot Dodë Gjergji nëpërmjet një mesazhi ka uruar të gjithë besimtarët brenda dhe jashtë Kosovës, si dhe të gjithë njerëzit vullnetmirë, me dëshirë që të kenë paqe dhe bekim nga Foshnja hyjnore në Vitin e Ri që po fillon. Imzot Gjergji thekson në mesazhin e tij se besimtarët kanë arsye dhe të drejtë të gëzojnë dhe të festojnë këto Krishtlindje në Kosovën tonë të lirë dhe të pavarur. Por, theksohet më tej në këtë mesazh, është e domosdoshme të braktiset "njeriu i vjetër" i mëkatit dhe të përtërihet në "njeriun e ri" të Hirit, i aftë për falur dhe për të dashur. Ipeshkvi i Kosovës në mesazhin e tij premton se se lutjet e tij dhe tonat, do t'ia drejtojë Zotit "që vendit tonë, të vuajtur dhe të martirizuar ndër shekuj, t'i japë paqen dhe bekimin gjatë rrugëtimit të tij drejt zhvillimit të gjithmbarshëm". Veçmas ai i letet Zotit për meshtarët dhe rregulltarët, të cilët kanë përgjegjësi në përvujtëri t'ua kumtojnë të gjithëve Lajmin e Gëzueshëm me fjalë dhe me vepra, për prindërit që kanë përgjegjësi në edukimin dhe formimin e familjes së tyre, për përgjegjësit politikë që punojnë dhe veprojnë në Kosovën tonë. "Kosova jonë ka nevojë më shumë se kurrë për burra të shenjtë dhe gra të shenjta, që me punën dhe sakrificën e tyre ta bëjnë më të bukur dhe më të lumtur jetën e njerëzve, në veçanti atë të të varfërve, të të përbuzurve, të të sëmurëve, të të papunëve", nënvizon në mesazhin e tij Imzot Dodë Gjergji. Njëherësh ai thotë se në këto ditë feste dhe gëzimi dëshiron të jetë afër të gjithë atyre që vuajnë dhe të solidarizohet dhe të kontribuojë në zbutjen e vuajtjeve të të gjithë atyre që pësojnë për shkaqe të llojllojshme, pa marrë parasysh përkatësinë e tyre kombëtare apo fetare.

Besimtaret e krishtere festojne Krishtlindjet
25/12/2008 00:10


Besimtaret e krishtere sot festojne lindjen e Krishtit. Pavaresisht motit te ftohte, qindra besimtare lane shtepite e tyre dhe moren pjese ne meshen qe u zhvillua ne Katedralen e “Shen Palit”, ne Tirane.
Arkipeshkevi i Durresit dhe Tiranes, Imzot Rrok Mirdita ka uruar te gjithe besimtaret me rastin e festes.
“Per shume vjet Krishlindjet! Qofshi te bekuar ne jeten tuaj”, uroi ai. Nje urim i vecante ka shkuar edhe per shqiptaret e Kosoves, te cilet perfaqesoheshin nga ambasadori kosovar ne Shqiperi. Per here te pare Kosova feston lindjen e Krishtit si nje shtet i pavarur.
Ceremoni te ngjashme jane organizuar ne te gjitha katedralet ne qytetet e Shqiperise. Katolike dhe ortodokse me qirinj te ndezur ne duar jane lutur dhe kane nisur festimet e nates se bekuar te lindjes se birit te Perendise, Jezu Krishtit.
Festa e Krishtlindjeve eshte shnderruar tashme ne nje tradite festive jo vetem per besimtaret e krishterimit, por edhe per te gjithe te tjeret qe e konsiderojne ate si nje dite te vecante, ku duhet te mbizoteroje atmosfera festive dhe harmonia mes njerezve.
Sic e kerkon edhe tradita, pas kremtimeve ne kisha dhe katedrale njerezit bejne urimet e rastit edhe mes tyre, duke shkembyer vizita e dhurata.