Një kërkesë për anën emocionale të Evropës

Një kërkesë për anën emocionale të Evropës

Nga takimi i grupit të ekspertëve të filmit në Ruhr të Gjermanisë


Pjesëmarrësit e takimit të kineastëve në Ruhr të Gjermanisë (në mesin e të cilëve është edhe Kujtim Çashku) së bashku me kryetarin e komisionit evropian Mannuel Barosso
Në këtë takim mori pjesë edhe Kujtim Çashku, regjisor/ rektor i Shkollës së Filmit & Multimedias Marubi nga Shqipëria.


Grupi i ekspertëve (Think Tank) të EFA “Imazhi i Europës” me Presidentin e EU Barosso, rezultoi me një thirrje të kineastëve për edukimin e filmit në shkolla.Njëzet krijues lider nga fushat e regjisë, skenarit, aktrimit, produksionit, distribucionit dhe edukimit, u takuan me José Mannuel Barosso, president i Komisionit Europian, për të shkëmbyer këndvështrimet e tyre mbi impaktin që imazhet dhe kinemaja kanë mbi identitetin e Evropës dhe mënyrën se si evropianët identifikohen me kontinentin e tyre mëmë.Presidenti, i cili ndoqi ftesën e Akademisë për ta marrë takimin nën patronatin e tij, u shpreh se Unioni Evropian shpesh shihet nga qytetarët e tij si ”bashkim kryesisht ekonomik”, dhe deklaroi se: “Ne duhet të përqëndrohemi më shumë në anën emocionale të Evropës”.Takimi u vendos në dritaren e grupit të ekspertëve (think tank) Imazhi i Europës, organizuar nga Akademia evropiane e Filmit, në Ruhr të Gjermanisë, kryeqytet i kulturës evropiane 2010, me mbështetjen e Fondacionit të Filmit North Rhine-Westphalia dhe Ruhr 2010.Me ftesën e Wim Wenders and Volker Schlöndorff, pjesëmarrësit diskutuan mbi shumë tema si dëmi i vazhdueshëm që vjen nga pirateria dhe problemet e distribucionit jashtë vendit të origjinës së një filmi. Siç Wim Wenders shprehu: “ Është një kinema e re nga një gjeneratë e re dhe optimiste, e cila lëviz lirshëm përmes kontinetit pa kufij. Vetëm se filmat e tyre brilantë nuk udhëtojnë po aq sa kineastët e tyre”.
Në këtë takim mori pjesë edhe Kujtim Çashku, regjisor/ rektor i Shkollës së Filmit & Multimedias Marubi nga Shqipëria. Në mënyrë unanime u ra dakort se filmi mund të luajë një rol të pamatur, në mënyrën e mardhënjeve të evropianëve me kontinentin e tyre dhe se një sensibilitet për kultura e vende të tjera mban gjallë shpirtin e diversitetit, si dhe krijon një vlerësim mbi pasurinë e kulturës evropiane. Siç nënvizoi Volker Schlöndorf, është koha “të konsiderojmë një tjetër gjuhë, gjuhën e imazheve”.Diskutimet i drejtuan pjesëmarrësit t'i bëjnë thirrje vendeve anëtare të Unionit Evropian që të përfshijnë filmin, ashtu si literaturën, në kurrikulat e shkollave e t´u mësohet studentëve që jetojnë në një botë të dominuar nga imazhe, duke nisur që nga shkolla fillore e më tej, mbi gramatikën e imazheve në lëvizje po siç mësojnë gramatikën e fjalës së shkruar.Pjesëmarrësit e Grupit të Ekspertëve EFA, ku përfshiheshin Costantin Costas Gavras (France, MISSING, AMEN), Agniezska Holland (Poland, EUROPA EUROPA), Marjane Satrapi (Iran/France PERSEPOLIS), Istvàn Szàbo (Hungary, MEPHISTO, COLONEL REDL) and Fernando Trueba (Spain, BELLE EPOQUE, LA NINA DE TUS OJOS) i ofruan Komisionit Evropian ndihmën e tyre në formësimin e së ardhmes së Kinematografisë Evropiane si pjesë e identitetit Evropian.Pjesëmarrësit do të shërbejnë si ambasadorë në vendet e tyre, për të shpërndarë përmbajtjen dhe rezultatet e këtij takimi.Wim Wenders dhe Volker Schlöndorff deklaruan se Akademia Evropiane e Filmit është gati të marrë përsipër një rol më madhor duke kontribuar në zhvillimin e një programi pan-evropian për edukimin filmik dhe duke eksploruar rrugë dhe mjete të tjera që mund të ndihmojnë në formësimine e “Anës Emocionale të Europës”.
M. Halili